方叔叔重慶老火鍋 (太子集團中心)

营业中

休息中

身为麻辣火锅控梗系周围揾火锅食啦，今次嚟到尖沙咀嘅方叔叔，试咗鸳鸯锅底，胡椒猪肚鸡锅，麻辣火锅。好足料嘅锅底！猪肚同埋鸡都份量唔少，麻辣锅更加越煮越辣！姬松茸菇系限定嘅菜式，一片片菇插喺冰上面，打卡一流！呢个又好浓味，识落又软又滑，好味！可惜春季龙虾拼盘卖晒，成只龙虾落去打边炉一流！下次再食过先！仲有海蛏，只只都好新鲜，咬落爆晒汁！虾滑弹牙，仲有啲虾打到好胶，用麻辣汤底都食到鲜味！手切牛肉系必食，冇冷藏嘅味道，仲有返咁上下厚，食落有口感又有牛味！打边炉，当然唔少得鹅肠，新鲜爽口嘅鹅肠，食落真系好爽！呢间餐厅嘅饮品好大杯！唔使就住嚟饮！仲有餐前嘅糖水俾你垫胃，一啲都唔伤胃啊！