影片
更多
2024-12-28
568 浏览
牛油果香芒烤鸡沙律配日式胡麻酱：超钟意！牛油果同香芒真系best friend嚟，好夹！口感好滑～烤鸡肉质又好嫩滑，加埋胡麻酱嘅香味，轻盈又好味。意大利风干火腿蜜糖柚子薄饼：风干火腿咸香，蜜糖柚子嘅甜酸味道中和咗火腿嘅咸味，食落口感丰富，好有层次。红酒烩牛面肉伴薯蓉同烤澳洲西兰花：好有惊喜呀！牛面肉炖得好入味，红酒嘅香气渗透晒落牛面肉度，薯蓉又够晒绵密，西兰花烤得啱啱好兼索晒啲肉汁，prefect!!是拉差酱鸡翼：好惹味！鸡翼炸得外脆内嫩，是拉差酱嘅辣味唔会太过火，啱啱够刺激味蕾，食到停唔到口。覆盆子朱古力慕斯圣诞帽：圣诞节前夕嚟食，见到呢个新甜品好靓！慕斯入口即溶，香浓朱古力同带有酸甜味嘅覆盆子完美结合，甜而不腻。焙茶心太软流心蛋糕配Haagen-Dazs雪糕（冧酒提子）：必叫！！焙茶心太软一切开就涌出朱古力酱，焙茶味好香，轻轻中和朱古力嘅甜度，夹到不得了！再加埋Haagen-Dazs嘅冧酒提子雪糕，真系超好味！冰梨无花果白桃乌龙芝士奶盖、芒果茉莉茶忌廉芝士奶盖：两款饮品都好特别，冰梨无花果白桃乌龙芝士奶盖嘅果香同乌龙茶嘅清香好夹，饮落唔会太甜。芒果茉莉茶忌廉芝士奶盖嘅芒果好香甜，茉
牛油果香芒烤鸡沙律配日式胡麻酱：
超钟意！牛油果同香芒真系best friend嚟，好夹！口感好滑～烤鸡肉质又好嫩滑，加埋胡麻酱嘅香味，轻盈又好味。
意大利风干火腿蜜糖柚子薄饼：
风干火腿咸香，蜜糖柚子嘅甜酸味道中和咗火腿嘅咸味，食落口感丰富，好有层次。
红酒烩牛面肉伴薯蓉同烤澳洲西兰花：好有惊喜呀！牛面肉炖得好入味，红酒嘅香气渗透晒落牛面肉度，薯蓉又够晒绵密，西兰花烤得啱啱好兼索晒啲肉汁，prefect!!
是拉差酱鸡翼：
好惹味！鸡翼炸得外脆内嫩，是拉差酱嘅辣味唔会太过火，啱啱够刺激味蕾，食到停唔到口。
覆盆子朱古力慕斯圣诞帽：
圣诞节前夕嚟食，见到呢个新甜品好靓！慕斯入口即溶，香浓朱古力同带有酸甜味嘅覆盆子完美结合，甜而不腻。
焙茶心太软流心蛋糕配Haagen-Dazs雪糕（冧酒提子）：
必叫！！焙茶心太软一切开就涌出朱古力酱，焙茶味好香，轻轻中和朱古力嘅甜度，夹到不得了！再加埋Haagen-Dazs嘅冧酒提子雪糕，真系超好味！
冰梨无花果白桃乌龙芝士奶盖、芒果茉莉茶忌廉芝士奶盖：
两款饮品都好特别，冰梨无花果白桃乌龙芝士奶盖嘅果香同乌龙茶嘅清香好夹，饮落唔会太甜。
芒果茉莉茶忌廉芝士奶盖嘅芒果好香甜，茉莉茶味道清新，两者融合得好好，两款都值得一试。
张贴
