越南麵包

营业中

休息中

九龙城有一间，打正旗号专卖越南面包，Burger大家就食得多啦，食落酸甜微辣滋味、层次感丰富嘅香脆越南面包喺香港唔算常见，嚟到又点可以唔试下越南面包风味呢！ 室内装潢走自然柔和路线，大家可以坐低慢慢叹，店主话佢开店原因都系因为好钟意越南菜，煮得好开心，同时都希望大家嚟到可以开开心心食返餐。嚟到又点可以唔食佢地嘅生招牌越南面包呢？呢个用越式煮法去整，用椰青水去慢煮48个钟之后先至再加焦糖煎一煎上色，食落旧肉腍得嚟好香，再加埋青瓜、芫茜、自家制牛油同秘制酱汁同酸辣汁，真系好惹味！加上越南面包特式够晒松脆，食呢个包酸辣之中又带啲啲甜味，层次真系好丰富！脆炸鸡翼几时都咁给力，引死人！呢度嘅外皮唔止超级酥脆，蒜香味道仲爆晒灯，未拎到上台已经闻到蒜香味已经超级香浓！鸡肉仲保持到肉汁同口感鲜嫩，食落好入味，有阵阵香茅味道！提起越南咖啡总令人谂起滴漏咖啡，呢度当然都有提供比大家解解越南瘾！呢杯咖啡香味浓郁醇厚，略带苦涩回甘，大家嚟到一定要试试。