潮食地

营业中

休息中

午餐时间见到一间以珊瑚橙色为主调嘅茶餐厅，我不自主咁行左去排队，排左大约3分钟，职员好熟练咁将客人安排好座位,入面嘅装修同传统茶餐厅唔同，颜色嘅配搭好活泼，好有活力，好光猛。佢有好多午餐选择，花多眼乱呀！港式、中式、西式,一应俱全。我梗系食最喜欢嘅葱油猪扒加煎蛋啦！$62猪扒以五香粉腌咗个底味，再煎，好香！而且猪扒非常大块，肉够厚。并唔系大大块但好似纸咁薄，食落有质感，个个男人坐低都系叫厚切猪扒饭，唔怪之得咁多人排队食啦！简单一个葱油，配搭调味简单嘅猪扒，但味道非常丰富。配埋杯冰底冻柠乐，呢个午餐满足晒。