影片
更多
2010-06-07
810 浏览
好耐以前第一次哩食晏，贪佢平，又可以食几粒钟，极之好hea；今次再重逢，原因系有得免费食番餐，不过，经常晌报纸见佢卖广告，个自助晚餐本身都唔贵，仲要成人一送一，以价钱而言就真系超抵，但唔算系好超值，因为依度食物嘅种类同质素只属普通，虽然佢每季都有做主题，除咗主题食物会致细、高质D，其他就可能会系平庸少少，但实际D讲为起一个人加埋一折后都系$160左右就食到一个自助晚餐，同依家出面嘅4、5星酒店收四五百蚊一餐，真系无得比架㖞！所以我自己哩之前都唔会抱有太高期望，唔会用平时去4、5星酒店食嘅心态晌哩度食，否则，你可能会话佢呃人，点解生蚝又无、鱼生又得一种、热盘又少……等等投诉！不过，好老实咁讲，若果要正价一个人连加一差唔多成三百蚊，咁就未必会哩，因为有其他好选择！依晚闲日我哩到人唔到，真系成个场得几枱客，少得有D可怜，所以地方显得宽敞，木枱籐椅，幽静，无争食嘅场面，收碟斟水快手快脚，其实侍应唔多，只系客更少！沙律只得两款沙律菜，不过酱汁就有四款，加上7、8款配料如桃、车厘茄、粟米、红腰豆、黑水榄……等，仲有4款预制好嘅沙律，另外又有新鲜菠萝、同哈密瓜，任得你左沟右沟总配搭到你嘅心水沙律。难
依晚闲日我哩到人唔到，真系成个场得几枱客，少得有D可怜，所以地方显得宽敞，木枱籐椅，幽静，无争食嘅场面，收碟斟水快手快脚，其实侍应唔多，只系客更少！
沙律
只得两款沙律菜，不过酱汁就有四款，加上7、8款配料如桃、车厘茄、粟米、红腰豆、黑水榄……等，仲有4款预制好嘅沙律，另外又有新鲜菠萝、同哈密瓜，任得你左沟右沟总配搭到你嘅心水沙律。难得两款沙律菜都够新鲜、够爽脆，咬落「索索声」，其他配料同预制沙律不过不失咁啦。
冷盘、海鲜
三款冻肉肠、青口、冻虾、三文鱼同八爪鱼刺身，就系得咁多，后尾添咗款蚌肉，唔系好知佢个名，大致都OK嘅。系青口觉得削咗D，三文鱼刺身未系好油甘，八爪鱼刺身有D韧添。
意式小食
多款别致嘅意大利小食：蕃茄水牛芝士、肉肠配意大利青瓜、意大利火腿配露笋、烤吞氧鱼配蕃茄沙律…，一小碟一小碟咁，做得精巧，每碟份量细细一个人都可以试匀晒佢。味道又确有意大利色彩，卖相样样都做得有板有眼唔马虎，好似蕃茄水牛芝士咁，蕃茄同水牛芝士打斜一层叠一层，再加少少香草酱上面，再洒几粒松籽，认真好味！又好似个意大利火腿配露笋，两片巴马火腿横放晌几条露笋之上，再头尾各加半粒橄榄，不单令味道丰富咗，个样都好睇咗啦！
热盘
约莫有12、13款左右，因为系做意大利食品，所以有意大利野菌酥皮卷、意大利云吞同意大利饭，仲有港式嘅炒青口、椒盐虾、蒜蓉蒸带子……等等，较为吸引人注目系个烩羊膝，好大只，一件有成两个拳头咁大，所以我哋夹咗一件，4个人一齐干掉佢，兼且几好食。整体哩讲，都算系过得去，几样意式食物都有D水准，唔系得个样，好似个意大利饭，浓香芝士味，饭粒烟韧有咬口！
甜品
阵容唔算好鼎盛，但印象中大概都有11、12 款左右，大致上都做得似模似样，多数都系一般自助餐常见嘅种类，例如蓝梅芝士饼、法式炖蛋、意大利芝士饼、布甸、奶冻……，唔见有咩好特别或好有创意嘅甜品，但质素都唔太差，啱到大众要求，所以依部分都合格啦！其中嘅苹果金宝挞同朱古力三重奏蛋糕小弟就比较欣赏，因为前者细细粒好易食，苹果酸酸甜甜咁，加埋面层面粉牛油做嘅金宝粒，几香脆；而后者不外乎因为有三种朱古力味嘅魔力！
做到咁平都唔见佢多客，食评又成日被人话佢少嘢食，又无贵嘢，咁有D人睇完D食评咁差梗唔会去啦，简直恶性循环。我觉得佢哋真系要转型，既然地方有限，食物又唔多，收个百几蚊一位，不如转做半自助仲好啦，头盘、沙律、甜品任食，不过做得精D，提高番食物嘅质素，然后等客拣个主菜，主菜可以每季唔同主题又得，又或长期有7、8款唔同地方嘅菜式都得，反正有D人食自助餐都唔系食得好多嘢，半自助可能仲啱依D人！同样都系收百几蚊位，D人就唔会用食自助餐有几十百样嘢食嘅心态投诉依样、投诉个样喇。
张贴
