影片
更多
2015-11-09
695 浏览
开左openrice a/c 好耐, 但从来都只系做CD rom, 今次真系好气顶! 唔写个食评唔得!叫左个set lunch, 豆浆好快上, 个米线望落亦"好靓仔". 食食下发觉唔对路! 牙缝有野涉住, 仲要咬极唔烂!顶唔顺用手拉佢出梨, 系条4-5吋长既胶绳 !即刻叫个服务生过梨俾佢睇, 佢拎著条绳入厨房, 出到梨同我"你眼望我眼"! 好似咩事都冇发生过咁! 然后一个应该系高级d既4眼马面扎髻auntie走埋梨, 问发生咩事, 同佢讲完一轮, 佢又走返入厨房望下, 出返梨同我讲:"系用梨扎米线既绳梨架." 然后瞪大眼望住我.下? 咁点呀? 你想我俾咩反应你呀? "哦"一声算数呀?我问佢:"咁跟住呢?" 其实我只系要佢道歉就得, 反正你碗米线咁污jo, 我都冇胃口啦!点知个auntie劲差既语气咁话:" 咁我唔收你碗米线钱啰! 你满意未呀?"心谂你咩态度呀? 宜家系你厨房唔卫生呀! 你闹个客?个auntie见我皱晒眉, 佢再加多句:"系唔收你0个碗架咋!"哗! 咩事呀? 你觉得我d朋友会R你free埋俾佢地呀 ?唔想再睇佢既嘴脸, 谂住点个头就打发佢走.个auntie仍
叫左个set lunch, 豆浆好快上, 个米线望落亦"好靓仔".
食食下发觉唔对路! 牙缝有野涉住, 仲要咬极唔烂!
顶唔顺用手拉佢出梨, 系条4-5吋长既胶绳 !
即刻叫个服务生过梨俾佢睇, 佢拎著条绳入厨房, 出到梨同我"你眼望我眼"! 好似咩事都冇发生过咁!
然后一个应该系高级d既4眼马面扎髻auntie走埋梨, 问发生咩事, 同佢讲完一轮, 佢又走返入厨房望下, 出返梨同我讲:"系用梨扎米线既绳梨架." 然后瞪大眼望住我.
下? 咁点呀? 你想我俾咩反应你呀? "哦"一声算数呀?
我问佢:"咁跟住呢?" 其实我只系要佢道歉就得, 反正你碗米线咁污jo, 我都冇胃口啦!
点知个auntie劲差既语气咁话:" 咁我唔收你碗米线钱啰! 你满意未呀?"
心谂你咩态度呀? 宜家系你厨房唔卫生呀! 你闹个客?
个auntie见我皱晒眉, 佢再加多句:"系唔收你0个碗架咋!"
哗! 咩事呀? 你觉得我d朋友会R你free埋俾佢地呀 ?
唔想再睇佢既嘴脸, 谂住点个头就打发佢走.
个auntie仍然死唔断气:"咁你满意未呀?"
边有人咁讨厌架?!
到佢终于肯走开, 以为件事可以完? 冇咁易!
佢行开行埋都会口up up咁啤住我0个台, 又不停望我0个台同人倾计, 总之就系令你好唔舒服, 好滋扰!
其实今次唔系个auntie第一次闹客, 我亲眼见过佢叫个客收声
阿湖米线系抵食既, 不过咁既服务态度, 唔会再有下次啰!
张贴