魔法甜品屋

营业中

休息中

魔法甜品屋系我同朋友由中学到依家食疾差多8年我谂。讲真野食唔系特别好食架喇，但粉岭冇咩甜品好食，有时食完野想食返碗甜品就惟有拣佢。今日黎到呢度真系一肚气，建议大家如果用e字头个app千祈唔好黎。不嬲食开用果个app迟十五分钟内都ok，我唔系话迟到应该，但位黑面店员（相信成日去既都知边个）一听到我都有折就话我地迟到，应该准时到。我就好有礼貌话返比佢知不嬲会留位15分钟，佢就话你book果个时间就应该果个时间黎。（想讲讲间野系空，一个人都冇）我心谂，你加盟果个app时有冇用眼睇清楚？你咁讲全世界餐厅唔洗留位啦？果下完全觉得因为我地有折扣佢就好似唔系好想做我地生意咁，亦有种比佢奚落既感觉。我同友人都心谂一场黎到，食埋先啦。继续好有礼貌咁叫佢落单，谂住叫雪花冰同椰皇。佢同我地讲呢两样野夜晚先有？？你当我傻？一之前中午食过都有，二我唔觉得雪花冰呢样野会夜晚先准备到，果下完全觉得因为有折佢唔想整呢两样野比我地。想我地食豆腐花西米露算。然后我地走左。真心觉得个黑面神服务好差，细个到依家都唔系咁据佢，唔系冇甜品店我真心唔会去，经常今日我呢世都唔会去，上楼上食新地仲好！你嫌人用你个折就唔好加入个app喇