影片
更多
2008-03-25
29 浏览
新A/C Mgr 讲咗三个月, 终于有机会请我哋嚟呢间日式Buffet 食嘢!我哋 book 咗星期六(仍然系红假期) 既中午12:00, 虽然可以食到四点, 但我哋要返公司埋数, 所以最多只能食两个钟咋!A/C Mgr 话两年前嚟食过几得, 虽然啱啱一、二月时加咗价,由$128 加到$168, 但唔收加一都叫做OK 啦~~老实讲, 如果唔系有人请, 我谂我都冇乜兴趣入嚟试......大门口都OK, 不过坐落就麻麻哋, 比较窄。见到张点菜纸, 真系如网友所讲, 好浪费... 其实佢印双面, 或好似啲回转寿司店咁分开种类cut 一张张细纸仔仲好啦!又Set 咗每次落order, 一台人最多只可以安人数叫六至十二款食物, 咁做乜要咁大张纸呢...落咗第一转单后, 佢哋先畀咗六碗仔前菜我哋食住先,以为有咩食啦~ 点知一放底... 哗! 唔系呀! 我哋成七个人㖞!每碗仔得咁少, 又唔冻又唔好食, 尤其是中间个碟, 都唔知系乜!!右手边果碗叫「泡菜」㖞~~ 冇色冇乜味, 唔讲我谂大家都谂唔到系泡菜添呀!咁样搞法, 不如唔好畀我哋食啦! 根本就唔会食, 简直系浪费资源呀!先嚟啲要自己烧既食物, 呢
我哋 book 咗星期六(仍然系红假期) 既中午12:00,
虽然可以食到四点, 但我哋要返公司埋数, 所以最多只能食两个钟咋!
A/C Mgr 话两年前嚟食过几得, 虽然啱啱一、二月时加咗价,
由$128 加到$168, 但唔收加一都叫做OK 啦~~
老实讲, 如果唔系有人请, 我谂我都冇乜兴趣入嚟试......
大门口都OK, 不过坐落就麻麻哋, 比较窄。
见到张点菜纸, 真系如网友所讲, 好浪费...
其实佢印双面, 或好似啲回转寿司店咁分开种类cut 一张张细纸仔仲好啦!
又Set 咗每次落order, 一台人最多只可以安人数叫六至十二款食物, 咁做乜要咁大张纸呢...
落咗第一转单后, 佢哋先畀咗六碗仔前菜我哋食住先,
以为有咩食啦~ 点知一放底... 哗! 唔系呀! 我哋成七个人㖞!
每碗仔得咁少, 又唔冻又唔好食, 尤其是中间个碟, 都唔知系乜!!
右手边果碗叫「泡菜」㖞~~ 冇色冇乜味, 唔讲我谂大家都谂唔到系泡菜添呀!
咁样搞法, 不如唔好畀我哋食啦! 根本就唔会食, 简直系浪费资源呀!
先嚟啲要自己烧既食物, 呢个系「韩风带子生熟虾」, 就咁睇卖相有啲呕心...
即系放系呢度烧, 另外仲有唔同款既肉(鸡、牛、猪、羊等)可以烧,
不过全部?落都唔多新鲜, 所以只系人哋烧咗一片鸡先食, 其他冇食过!
带子同虾烧出嚟冇咩惊喜, 味道又冇乜特别, 但又未至于难食,
不过我就冇乜兴趣自己烧啲生肉或海鲜, 可能比较钟意食刺生啦~
所以早已决定留肚, 唔食咁多熟食住!
再嚟「牛油炒杂菌」, OK 几好味, 但我哋叫咗三碟架㖞! 份量少到咁.............
跟住系「日式牛肉锅」, 又系普通, 啲材料都唔靓, 唔新鲜, 感觉好求其!
自己出去吧台拎既「面豉汤」, 里面有一粒好难食既蘑菇,
好难饮, 完全系一碗味精汤, 离谱咗啲㖞!!
仲差过自己系吉之岛十蚊店买既十蚊三/四包即冲「面豉汤」!!
「南瓜蕃薯天妇罗」, 呢个又系劲差, 个样似街边五蚊三件果啲煎攘三宝啰!
仲要炸到㶶咗少少, 见到都唔想食, 又冇畀天妇罗豉油!!
「米子皮虾卷」, 超难食! 劲后悔咬咗一啖! 里面"淋淋哋", 又冻, 好怪呀!
「吉列蚝」, 咁多炸粉, 又热气又肥腻, 加上啱啱食咗啖「米子皮虾卷」, 谂起都想呕, 炸嘢唔食!
等咗一大轮(之前仲有一堆食物, 普通又冇乜卖相, 所以冇心机映相),
要吹先嚟第一盆「刺生」, 咩意思呢?
啲拉面乌冬又即落即到, 即系想食饱我哋先啦!
(上至下, 左至右) 有响螺片、原只小八爪鱼、吞拿鱼、
北寄贝、三文鱼、子持喜灵鱼、甜虾、鱿鱼、剑鱼,
但我仲叫咗𫠒红鱼, 冇嚟到!
呢盆嘢啲甜虾「叫做」OK 新鲜, 三文鱼中等,
其余都觉得系惠康、百佳货式啰.......................
吞拿鱼唔新鲜, 冇味, 简中有渣, 北寄贝又系唔新鲜, 唔知食乜, 剑鱼又系唔够新鲜!
特别差既系响螺片同鱿鱼, 咩嚟架... 生定熟架...
子持喜灵鱼好难食, 同事食过一次, 全部叫我唔好再落order!
原只小八爪鱼又超唔新鲜, 咬唔开, 好似有根咁! 呢啲都千奇唔好落order!!
呢个又系吧台自取既「炒鸟冬」, 我冇食, 见到都冇兴趣,
佢哋都话嘛嘛, 最后都系食唔晒叫人收噃佢。
「蟹籽沙律」, 又系离谱! 啲蟹籽「多到」你唔信!
咁唔好叫「蟹籽沙律」啦! 叫「青瓜沙律」咪算啰!
仲要啲沙律酱味好怪, 唔系变咗, 讲唔出咩味, 同平时食开既唔同, 又唔够冻...
最后食净三分二碟叫人收走佢!!
「鸡软骨串」, OK, 都热同脆, 但未吸引到我叫第二转。
「鸡骨肠」, 呢个都算合格, 又系够热, 不过比起出面食到既差好远,
比较多肥膏同油腻, 但同其他食物比较, 已经叫做好好多................
「白汁煮田螺」, 懒靓咁, 食落味道太普通, 又系食完都唔知食乜!
「木糬糕炒时菜」, 呕血, 呢碟叫咩国家既菜呢? 中式唔中式, 日式唔日式, 韩式又唔韩式咁,
卖相又差, 想点?! 自己炒肯定仲好食过佢! 仲要呢度成本顶晒笼都系$1 啰!!
「免冶三文鱼军舰」, 普通, 金太郎货式。
其余寿司有三文鱼、𫠒红鱼、甜虾、蟹籽军舰及葱吞拿鱼军舰,
最后一批食物, 望落比较有睇头, 但其实望真啲,
样样都唔合格!! 最离谱系三文鱼, 睇下! 特登唔切边边啲肥膏架!
大佬呀! 呢个位惠康、百佳都系特登切走佢, 另外放开一碟当次货卖,
仲要写明「请煮熟食用」, 搞错呀!! 呢个位好肥腻架! 又鯹又"漏喉",
食完都冇胃口食其他嘢啦! 即系摆明唔想我哋食咁多嘢啦!! (老板既目的??!)
𫠒红鱼望落去好似OK, 但食落又系唔够新鲜, 所以冇乜味同完全唔甜唔鲜啰!
最好叫做系甜虾, 仲新鲜过刺生, 不过都只系属于回转寿司店既$9-$12 货式!
蟹籽军舰, 我冇食到, 但望个样又系麻麻...
仲有葱吞拿鱼军舰, 好心啦! 唔系有心做靓寿司就咪整呢款寿司啦!
完全食唔到有蒽, 啲吞拿鱼唔驶讲都知冇味啦! 都唔好讲鲜唔鲜味......!!
仲要睇下最前果件, 啲蟹籽可以整到去前面既? 咁都出得街???!
而且啲紫菜全部都"淋"架! 包到咁样衰, 又散又变形, 简直不知所谓!!
仲有呀! 我哋前后落咗六次刺生, 但坐咗两个钟只嚟咗三次,
啲刺生既质素仲要一次比一次差, 越食越难食!
吞拿鱼越嚟越"梅", 三文鱼越嚟越多边边既肥膏位, 甚至少少皮!!
甜虾都越嚟越唔新鲜同垃圾, 其他唔驶讲, 由头到尾都咁差!
佢哋亦好明显「选择性上菜」, 如果落寿司order, 会快好多好多送到嚟,
刺生就要起码吹一次先上台!
对我嚟讲, 更加冇咩好食, 太多煎炸嘢、熟食同肉,
唯一两款熟菜类都畀我哋食咗 (蘑菇及炒时菜),
刺生啲质素又咁样...................... 都唔知系咪做生意架!
另外仲食咗炸鱼饼、炸饺子、白酒煮青口(佢哋话冇酒味㖞!)
烧鸡翼、烧多春鱼、芝士焗饺子(我冇食, 买卖似煎成饼状既白鱼蛋), 呢啲我全部都冇食!
茄酱蚬肉意粉, 有肉既蚬得三只, 啲茄酱冇味, 好差呀...........
个吧台有Wasabi 自取, 及自选沙律, 不过见到都冇兴趣食!
另外仲有白饭、红米饭、咖哩同同事拎噃嚟既炒乌冬啰......
仲有想讲呢度真系好浪费,
第一、落order 纸系A4 白纸, 单面印!
第二、每落一张order, 都会出张飞仔比你, 但唔一定代表嚟得齐!
第三、每次嚟个刺生盆都放超劲多红萝卜丝系底, 又唔食得, 懒大份咁!!
啲菜名又唔多清晰, 好似咩叫「生熟虾寿司」呢? 即系生定熟???
但张order 纸上面又有「甜虾寿司」架㖞... 最后当然冇落order 啦!
后来问个女侍应(Yan), 佢就好简单咁答我: 「半生熟啰!」吓... 半生熟.....................
所有食物一碟意思即系一小件, 但又最多只畀人落order 要两至三碟,
佢个计法如下:
1 至3 位最多六款, 每款两碟
4 至5 位最多八款, 每款两碟
6位以上最多十二款, 每款三碟
唉! 我哋七个人, 咁样落order 法又嘥纸, 佢哋又九年都唔嚟啲食物,
仲要「选择性上菜」, 有段时间我哋真系七个人都坐晒系度等食啰!!
星期六$168 又唔包饮品, 所有饮品及甜品要另外用正价买,
饮品十几至廿几蚊不等, 一个小球雪糕$8 - $12, 唔会食啦!
另外仲想投诉一位年青女侍应, 叫"Yan",
由头到尾都只见佢个样无离心机, 叫佢做嘢又即刻黑面,
双眼永远半开, 又完全冇笑容, 死下死下咁!
喂! 唔想做咪揾过第二份工啰! 咪搞到啲食客冇晒胃口先得架!
真系食到一肚气! 不知所谓! 唔会有下次!
张贴
