雷拉麵 (已結業)

睇戏日~~期待已久既一套戏，今日终于有假去睇^^睇戏前，梗系要医医肚先"小队决定系戏院附近揾间特色餐厅试试~经过雷拉面既门口，俾门口既menu吸引，拉面有4款，有一款中左小队胃口"结果我地拣左呢间拉面店试一试~~店内，大概有20人位置，装饰简洁，色彩缤纷，其中有一部分装修有条大麻绳，背景用铁片做底~近似豚王既装修，小队以为系同一集团既分店~装潢有专业拉面店既风范，但味道绝对有待改进!!!一共叫左2样主食，吉列猪扒蛋包饭&一个黑色拉面(我唔记得左叫咩名)先讲下个蛋包饭，我最欣赏件厚猪扒，外层炸浆唔会厚，肉质嫩~岩岩好"不过蛋包饭就称唔上好食，饭好干，加左d海鲜一齐炒~唔加好过加，仲完全冇味....失望 到我最钟意既拉面环节，3个字"好 难 食!!"呢个拉面，得个色，0味道，上面有d蟹拆肉，其实真系唔知食紧咩...冇味既面，加埋有蟹壳既蟹肉。真心冇夸张，我食左2啖就放弃左~~咁唔好味，点解唔改良个配方先推出市场??补反张环境相，我觉得装修得好精美，但色.香.味.同样重要，店家好好做好味道方面，另外我欣赏呢度有勤快既员工~为呢顿晚饭挽回一d分数"价格唔贵，唯食物参差，有待改善。