圓鐵板燒 (已結業)

有一日睇完戏，忽发其想好想食铁板烧，然后就同friend喺度研究，到底有冇平过$100嘅铁板烧呢？点知就俾我哋揾到呢一间真系平过$100嘅铁板烧，仲要人哋帮你烧埋添！位于旺角东新世纪嘅food court，竟然有一间平过$100嘅铁板烧食！我同我个friend就一人嗌咗一个餐试吓佢好唔好食！香煎龙脷鱼扒套餐 $78一个套餐有一碗饭加一碟菜，同埋主菜。有冇人同我一样觉得食冇骨嘅鱼真系好正🤣条鱼的确剪得好香脆，见到系真系金黄色，同埋见着佢慢慢先嘅样，真系好特别！调味啱啱好，但系其实啲材料系好平🤣相比起条鱼，我觉得碟菜先至系最好食！😂估唔到用平平OK嘅铁板烧，都可以吵到咁有镬气同埋甘香蒜头味！真系好好食。铁板牛柳套餐 $98呢个就真系唔抵食啦，啲牛柳基本上就系将啲好cheap嘅牛切到一嚿嚿，啲牛真系有啲韧，并且牛味一啲都唔出。总之就系一叠超平平无奇嘅炒牛柳，但卖到$98😅，但以有得睇住佢炒嘅体验来讲，又真系唔错嘅。总括而言，呢间野系食环境（？）可以望住个厨师抄嘅过程，食物质素方面就不过不失，但以铁板烧来讲系真系几平！