影片
更多
2021-01-23
1143 浏览
上年已经知道「闺•家」嘅存在，一直想试，但又唔系成日经炮台山。直至佢喺深水埗西九龙中心开咗分店，我终于能一尝佢嘅滋味，更加有信心放假带呀妈去食晏🙈。星期六下午两点去到炮台山店要等位，不过15分钟内就搞掂。但当我哋入座后，下午茶时段开始人龙变更长，超强人气认证👏。老实讲，小店面积真系好细，环境有点迫夹，所以不宜久留，食完尽快交番张枱，等佢做多枱客😁。咁嘅环境下，店员工作更多、更麻烦，不过佢哋嘅态度依然友善，唔会燥底。 咸鱼煎肉饼猪扒饭($50)，🐷猪扒系呢度嘅招牌菜，所以一定要嗌，同时亦可以配埋莲藕饼同鸡翼等。而我哋就拣咗🐟咸鱼煎肉饼，肉饼煎得几香，咸鱼味恰到好处。主角猪扒调味唔错，好入味，但略嫌较为薄身。不过啲𩠌绝对够送饭，🍚饭淋上豉油，但唔会过咸，唔够可以再加。另外，餐厅仲搭咗唔少葱同雪菜添！是日老火汤系苹果红萝卜煲沙参咸排骨🍎🥣，功效降火润肺。佢系星期六款式，每日唔同。嗌饭餐会配一盅细嘅汤，几抵。汤品用上唔少材料煲，饮完唔会口干，无落味精，不过好似甜咗啲。慢煮猪软骨甘笋面($46)，汤面款式冇跟老火汤，而汤底就无乜特别，因为重点系面本身嘛🍜。面有三个口味，包括紫薯、甘笋同菠菜味。我
上年已经知道「闺•家」嘅存在，一直想试，但又唔系成日经炮台山。直至佢喺深水埗西九龙中心开咗分店，我终于能一尝佢嘅滋味，更加有信心放假带呀妈去食晏🙈。
星期六下午两点去到炮台山店要等位，不过15分钟内就搞掂。但当我哋入座后，下午茶时段开始人龙变更长，超强人气认证👏。
老实讲，小店面积真系好细，环境有点迫夹，所以不宜久留，食完尽快交番张枱，等佢做多枱客😁。咁嘅环境下，店员工作更多、更麻烦，不过佢哋嘅态度依然友善，唔会燥底。
咸鱼煎肉饼猪扒饭
$50
29 浏览
0 赞好
0 留言
是日老火汤系苹果红萝卜煲沙参咸排骨🍎🥣，功效降火润肺。佢系星期六款式，每日唔同。嗌饭餐会配一盅细嘅汤，几抵。汤品用上唔少材料煲，饮完唔会口干，无落味精，不过好似甜咗啲。
慢煮猪软骨甘笋面($46)，汤面款式冇跟老火汤，而汤底就无乜特别，因为重点系面本身嘛🍜。面有三个口味，包括紫薯、甘笋同菠菜味。我食过两款，其实就唔系好出到个味，不过相信系搓面时已加咗唔少成份入去，颜色几鲜艳🌈。呢日食嘅系甘笋面，面质弹牙，但浸太耐汤就易淋。份量超多，系云吞面量嘅三倍！
慢煮猪软骨
9 浏览
0 赞好
0 留言
凉拌海蜇手撕鸡($38)，小食嚟讲佢好大碟，麻酱落得好重手，一定够汁。海蜇拼手撕鸡🐔嘅组合几夹，但如果鸡丝可以撕得幼细啲就更好。同时，麻酱始终比较漏，建议餐厅可考虑推出半份。
饮品方面🥤，我哋要咗冻奶茶同冻柠蜜，各加$7，因为无餐。
总括嚟讲，闺·家嘅食物味道确系比人一种住家感觉🏡，卖相唔算非常精美，亦唔系用上矜贵材料，但简简单单、经济实惠，已经好好。难怪要排队都咁多人帮衬。最后，我更知道佢系一间香港良心小店，值得大大力支持💪！
张贴
