影片
更多
2022-02-11
1148 浏览
餐厅分两边. 一边系寿司吧枱. 望住寿司师傅同时望住个开杨楼景. 另一边就普通枱望马场景. 都唔错.餐牌价钱唔平. 但师傅俾足食材, 玩足花款. 服务更值得一赞!今次继续揾都师傅. 点咗中午Omakase餐.一开始送小食: 焗鳕鱼干. 香脆. 点埋屈机沙律酱, 掂! 后尾发现食完仲可以再添.第一道刺身: 针鱼. 师傅话针鱼比较淡味. 用昆布包住. 食落去好似放咗盐嘅味道. 有趣. 我几钟意针鱼嘅质地, 结实, 有口感.第二道刺身.左边: 鱼子酱, 白虾, 吞拿鱼茸. 每次都三层一齐食. 鱼子酱俾到味道, 白虾俾到胶口口感, 再配合埋吞拿鱼茸, 真系一流!右边: 牡丹虾配梅子酱. 牡丹虾够大只. 配梅子酱. 简简单单.第三道刺身. 卖相够晒吸引.1. 深海池鱼. 鱼味浓郁.2. 𫚕鱼. 都系重鱼味, 加咗柚子胡椒. 据师傅讲, 𫚕鱼系野生嘅油甘鱼. 比较大只, 鱼味较重. 长知识!3. 金目鲷. 烧咗嘅, 满口油香, 冇得输.4. 花螺, 普通.5. 杨梅. 清下个口.第三道刺身.左边: 马粪海胆. 加咗豆腐系底. 我觉得豆腐沟淡咗海胆味. 一于食完海胆先食豆腐. 鲜甜. 师傅介绍海胆嘅
餐牌价钱唔平. 但师傅俾足食材, 玩足花款. 服务更值得一赞!
今次继续揾都师傅. 点咗中午Omakase餐.
一开始送小食: 焗鳕鱼干. 香脆. 点埋屈机沙律酱, 掂! 后尾发现食完仲可以再添.
第一道刺身: 针鱼. 师傅话针鱼比较淡味. 用昆布包住. 食落去好似放咗盐嘅味道. 有趣. 我几钟意针鱼嘅质地, 结实, 有口感.
第二道刺身.
左边: 鱼子酱, 白虾, 吞拿鱼茸. 每次都三层一齐食. 鱼子酱俾到味道, 白虾俾到胶口口感, 再配合埋吞拿鱼茸, 真系一流!
右边: 牡丹虾配梅子酱. 牡丹虾够大只. 配梅子酱. 简简单单.
第三道刺身. 卖相够晒吸引.
1. 深海池鱼. 鱼味浓郁.
2. 𫚕鱼. 都系重鱼味, 加咗柚子胡椒. 据师傅讲, 𫚕鱼系野生嘅油甘鱼. 比较大只, 鱼味较重. 长知识!
3. 金目鲷. 烧咗嘅, 满口油香, 冇得输.
4. 花螺, 普通.
5. 杨梅. 清下个口.
第三道刺身.
左边: 马粪海胆. 加咗豆腐系底. 我觉得豆腐沟淡咗海胆味. 一于食完海胆先食豆腐. 鲜甜. 师傅介绍海胆嘅牌子系滨中小川. 质素比较稳定.
右边: 沙甸鱼. 鱼滑, 重味, 肥美. 我钟意㖞! 配埋块薄薄脆口嘅炸幼沙甸鱼加紫菜, 超级好食.
最后, 梅酒浸蕃茄. 清下个口.
第四道刺身.
左边: 安康鱼干. 加咗柚子胡椒. 正常发挥.
右边: 仙鳯趾珍蚝. 加咗花椒油. 入口有蚝味. 花椒油令只蚝喺口里边有香口嘅感觉. 神级配搭.
煎鳕鱼白子. 白子味道浓郁. 如果你系钟意食猪脑同牛骨髓嘅, 呢个啱晒你.
鲣鱼. 放咗喺个盅里面. 盅底放咗烧咗嘅百里香. 一路食住鲣鱼, 一路闻住百里香香味. 十分欣赏师傅玩埋嗅觉.
萤光鱿鱼. 熟咗嘅. 一串三粒. 师傅建议一次过食唒三粒. 多膏, 好食.
正式热盘: 香煎鲈鱼. 配咗用日本菜整成嘅忌廉汁. 再加上鱼子. 老实讲, 我唔钟意食. 一路食落嚟, 刺身质感系好滑嘅, 鲈鱼相对好鞋, 淡味. 个忌廉汁有种生勾勾嘅味道. 热菜比较失色.
中间加插: 长野蕃茄加冰菜. 一般.
炸慢煮八爪鱼. 听讲八爪鱼系煮咗5-6个小时, 再炸. 好食嘅. 好处系腍. 但冇咗新鲜生炸嘅口感. 相比之下, 我会钟意街头小食嘅八爪鱼啰.
第一道寿司: 帆立贝. 配咗生椒. 好味. 生椒令到帆立贝除咗鲜味之余仲有少少香口.
第二道寿司: 拖罗. 肥美. 今次只系加咗酱油. 味道偏浓. 个酱油其实好好味.
第三道寿司: 马粪海胆. 成座山咁高.
第四道寿司: 中落骨. 师傅话系黐住拖罗鱼骨上面嘅鱼肉. 特别滑.
第五道寿司: 赤鯥鱼. 烧咗. 油香满溢.
第六度寿司: 鲭鱼. 重口感, 重口味. 轻轻烧咗嘅. 应该加咗少少甜甜酸酸嘅配味. 平衡番. 掂!
汤: 洋葱大蚬汤. 听讲洋葱系嚟自淡路岛. 理论上系甜啲嘅. 以汤论汤, 唔够热. 唔够味.
师傅惊我唔够饱, 加个花竹虾头肉炒樱花虾饭. 超好食. 虾头膏捞埋啲饭嚟炒. 膏香十足.
甜品一: 鸡蛋糕加泡成咖啡酒. 蛋糕好食. 未吞落肚之前, 饮一啖咖啡酒, 变咗好好食嘅咖啡蛋糕. 创意嘅配搭.
甜品二: 静冈蜜瓜加雪糕.
总结一下: 食材十足, 花款多样. 师傅悉心解释每道菜. 有问必答. 完全感觉到师傅好想同你分享食物嘅背后, 而唔系敷衍了事. 值得一赞. 好多米芝连餐厅都做唔到. 服务亦十分周到. 整体性价比唔错.
策略: 坐吧枱. 揾都师傅.
张贴
