漁場台風

营业中

休息中

原本想去同区嘅拉面店🍜，但系撞正佢休息，咁就黎试吓新野喇。店舖装潢别具特色，入到去就发现同一般日式装修🎏嘅拉面店唔同，周围贴满晒食客嘅留言📝同动漫嘅插画🎨，令店内嘅环境色彩缤纷。鲣鱼味豚骨拉面 $83就咁睇颜色就知道非常之浓厚，汤底浓郁，除咗表面嘅鲣鱼碎，可以食得出汤入面有劲多鲣鱼粉🐠，但鲣鱼味就稍微遮过左豚肉🐷汤底本身嘅味道。拉面嘅粗幼度适中，系直身面嚟相对冇咁挂汤，面质烟韧。而流心蛋🥚都唔错，叉烧🍖薄薄一片，肥瘦适中。我觉得整体都唔错，鲣鱼味🐟比我想像中强，钟意重口味嘅朋友应该会喜欢，我下次就想尝试返豚骨汤底🍜。