影片
更多
2014-05-12
6580 浏览
2011年尾，黄毛小子XO仔有幸踏足有「富豪饭堂」之称o既富临饭店阿一鲍鱼，化身成为三小时o既富豪，享用咗一顿「超强VIP 宴」，饭局o既情景至今仍历历在目，净系睇返啲相都足以令细佬回味无穷 。2013年，各大报章杂志陆续刊登有关「富豪饭堂」因租约问题而搬迁o既报导，年尾名厨阿一师傅更亲自出马，四周围做宣传。2014年初，2011年请客𠮶位VIP Uncle专程打咗个电话比大肥爸爸，相约去富临新舖聚餐，仲千叮万嘱要带埋XO仔添；uncle咁有细姪心，细姪当然系要推哂同女朋友o既约会去做富豪啦 ！虽然两个舖位同在铜锣湾核心地段，分隔不远，但富临饭店新舖明显比旧舖更为高级方便。代客泊车服务设于信和停车场口，信和中心内到处有扶手电梯，故食客无需再为行楼梯要担忧。饭店室内装修增添咗不少潮味，同时亦不失中国传统色彩；正门一幅用真皮所雕琢而成o既招牌壁画 ，及大厅中央o既阿一雕像都令肥肥家族留下咗深刻o既印象。新店比以前光鲜、整洁、卫生，室温冷暖适中，环境宽敞舒适，格调亦较以前高雅，更有富豪feel 。据悉，新舖面积比旧舖大，楼面亦较高，可容纳约二百多位客人。餐厅一楼设有散座及八间大
虽然两个舖位同在铜锣湾核心地段，分隔不远，但富临饭店新舖明显比旧舖更为高级方便。代客泊车服务设于信和停车场口，信和中心内到处有扶手电梯，故食客无需再为行楼梯要担忧。饭店室内装修增添咗不少潮味，同时亦不失中国传统色彩；正门一幅用真皮所雕琢而成o既招牌壁画 ，及大厅中央o既阿一雕像都令肥肥家族留下咗深刻o既印象。
新店比以前光鲜、整洁、卫生，室温冷暖适中，环境宽敞舒适，格调亦较以前高雅，更有富豪feel 。据悉，新舖面积比旧舖大，楼面亦较高，可容纳约二百多位客人。餐厅一楼设有散座及八间大小不一o既厢房，二楼则打通成为一间附有独立洗手间及卡拉OK设备o既高级厢房，最多可招呼24人或3围。所有厢房都有最低消费限制，约$1,900/人 ，其余开瓶费为每枝$200，冇切饼费。碍于大厅内有多位富豪客人正在进食，为免引起佢地不满，小肥最终未有拍下饭店室内环境之照片，敬请原谅。新舖大咗，人手亦相对地增加咗，当中最抢眼就系几位高大威猛o既G4男 ，各人带住一部耳机，原来佢地系经理，唔讲真系以为佢地系富豪们o既保镳呀！其实厅内o既姐姐仔们每人都有带耳机，不过可能佢地身材冇咁突出，所以就冇G4男𠮶种气势。G4经理及其他伙计们都好友善，除咗为我地上𩠌、斟酒、换碟，面对住问题青年小肥o既多个疑问，佢地都好乐意一一解答 。
VIP Uncle请客，每次都会悉心安排，预先订下菜单，客人只需准时出席，饭来张口 。
密煎四十六头吉品鲍：第一道先上主角「阿一鲍鱼」，每人两只，意味着一双一对，好事成双！「阿一鲍鱼」软腍中带点弹牙，净点豉油食，已经品尝得到鲍鱼o既鲜甜味，简单啲讲句，水准依旧高超！
豉油皇海中虾：海中虾虾身爽脆，鲜味浓郁，配上带甜o既豉油真系非常美味！
官燕烧酿鸡翼：糯米酿鸡翼就食过，用官燕黎酿都系第一次听、第一次见、第一次食！胀卜卜o既鸡翼外表光泽油亮，第一口已觉皮薄香脆，毫无肥膏，再食内层o既官燕同鸡肉更觉香滑幼嫩；鸡翼「清丽脱俗」，健康又美味，真系非常出色 ！
西洋菜陈肾生鱼煲猪踭汤：煲汤好足料，西洋菜同陈肾o既味道都好浓郁，相中可见，汤渣好似山咁高，当中陈肾最少有两层 。西洋菜鲜嫩，大肥同姨妈最为欣赏，夹完再夹，结果一条都冇得剩！妈咪就大赞啲陈肾靓，味浓得可以煲都两次汤；主人家真系客气，见妈咪对啲陈肾咁感兴趣就立刻安排打包哂比我地拎走，妈咪第日再用黎煲汤，啲汤真系仲咁入味 ！
鲍汁花菰扣鹅掌（伴唐生菜）：鹅掌质感软腍滑溜，唐生菜清脆，厚厚o既花菰够腍得黎带点爽，菰味清香，鲍汁味道香浓而不腻，简真系无懈可击呀！
阿一生煎东星斑：VIP Uncle再三强调，东星斑系原条煎，系阿一师傅o既招牌菜式，第二度食唔到咁靓。东星斑虽然系每份分好先上，但入口时亦无减鱼肉之热度，煎制o既鱼肉幼嫩软滑，配上豉油皇食，绝对可以同蒸鱼比美。此外，鱼皮超级香脆，系细佬食过最正o既中式鱼皮 ，大家千奇咪走宝！
烧汁焗牛尾：大大件o既牛尾骨胶原丰富，喺旧骨度其实藏咗好多肉，肉质松软，而且肉汁好够，所以啲肉好够湿润，一啲都唔嚡，烧汁香滑，就连伴碟o既薯仔都好入味。
粉丝肉蟹煲：粉丝肉蟹煲一共两煲，每煲都有一只好大o既蟹，震撼到小肥唔记得影相 。蟹皇双妹唛姨妈同妈咪话啲蟹肉鲜甜无比，香嫩幼细，睇见佢地食得津津有味都知只蟹有几掂！XO仔唔食得蟹，不过净系食粉丝都觉得好满足，事关煲内o既粉丝够热够干身，而且香口野味，食咗咁多味𩠌菜后，小弟都可以一个人食四大碗 ，美味程度不言而喻。莲子炖白合糖水：糖水清甜滋润，白合薄脆，当中以龙眼肉最为甜美。
美点双辉之煎推：煎推好大粒，皮薄松化唔油腻，三款甜品中最正o既一味 ！
美点双辉之马拉糕：马拉糕清甜松软，大肥like爆！
记得两年多次VIP Uncle喺富临旧舖请客，小肥对「富豪饭堂」o既食物已经系赞不绝口，唯独因室内无电梯及洗手间设备不足而扣咗饭店两分。今次光临富临新舖，除咗可以再一次亲尝高质美馔，小弟对其更为高级、更加亲民o既环境，及其友善o既G4经理最为印象深刻，顿时觉得富临明显地「升咗呢」 。Uncle宴客，XO仔唔洗比钱就一定觉得好抵食，不过唔知等自己真系成为富豪后，要自掏腰包时又会点谂呢？！
张贴
