樂園魚蛋粉

营业中

休息中

啱啱做完野，又天口热，唔想食饭，经过见到鱼蛋粉，谂谂吓都好㖞。入到黎，地方干净企理，最紧要系冷气够强劲。好，坐低睇吓有咩好食先。招牌手打鱼蛋，鱼蛋大大粒，不规则形状，手制系唔同啲，食落超爽弹，真系可以用QQ弹黎形容，有鱼味得黎又唔会咸，唔错。另外拼左黄金墨鱼春卷，里面有爽脆墨鱼肉粒加埋粟米粒，有咬劲得黎又甜甜地，正！我比较喜欢食河粉，因为口感够滑口，又索汤，食落唔怕寡。加个生菜够健康。热辣辣叫咗杯冻柠蜜，爽一爽。