串燒屋

营业中

休息中

好耐都冇嚟观塘揾嘢食啦，听朋友讲，呢度有间任饮任食嘅串烧非常抵食，唔止有啤酒任饮，佢嘅串烧同埋烤肉同埋炸物都系任食㗎。一坐低我哋就嗌咗好多串烧先，有西冷牛，平时都起码30几蚊一串㗎。而且仲有大虾，感觉上食几串就可以回本啦。炸物方面，佢有炸蚝同埋炸榴梿炸鱿鱼炸虾饼等等。我觉得佢既炸物就比较普通，都系留返个胃食烤海鲜同埋串烧啦。烤物方面佢有烤蚝，而且仲有清酒煮蚬，真系好大方。好少任饮任食嘅地方有蚝，有啲甚至连虾都冇。加上佢嘅蚝系好新鲜，食落好大只而且好鲜甜。同埋呢度最特别最好玩嘅地方系，佢嘅串烧系可以放上去自动转嘅，我都系第一次见到呢个工具，真系好啱一大班人一路烧一路玩。而且又唔使自己返嚟返去，真系方便好食又好玩。而且佢嘅饮品系出去任攞嘅，出面除咗饮品之外，仲有好多唔同嘅甜品或者前菜。我就食咗几个螺肉啦。而且佢嘅饮品仲有好多自己整嘅饮品，例如柠檬薏米水同埋洛神花茶，食饱最啱饮嚟消滞。呢间餐厅又平又好食又好玩，真系好适合一大班朋友一齐去。不过我今日去到都九点，但系仲系坐满，如果想嚟食应该要记得book位或者早啲黎等啦。