皇庭匯 (已結業)

今日系农历大年初四我们喺「皇庭汇」旺角店预订咗一个鲍鱼大盆菜外卖自取返屋企食！今次系我们第一次订他们出品嘅盆菜！个鲍鱼大盆菜嘅材料超级丰富，份量极之十足，卖相亦非常精致吸引！鲍鱼相当大只，而且炆得好腍，口感好爽滑弹牙！大虾好新鲜大只，肉质好鲜甜弹牙！花胶炆得好腍好入味，而且非常厚身软滑同份量好多！鸡肉嘅肉质相当嫩滑！煎酿鲮鱼嘅表面煎得非常金黄香脆，酿鲮鱼肉嘅馅料相当丰富，味道非常惹味，肉质超爽甜弹牙！猪肉嘅肉质相当松软，唔会好「嚡」！猪皮炆得好爽口弹牙，而且吸收晒酱汁嘅味道，真系超正超惹味！酱汁嘅味道调教得恰到好处，唔会太咸！呢个大盆菜真系超级足料同款式种类超多，因为我们十几人食都食唔晒，真系超抵食呀！温馨提示：鲍鱼嘅数量可以喺预订𠮶阵同店员提出要求因应人数增加！