影片
更多
2019-07-20
227 浏览
话说寻日去完书展，唔知食咩好，又行到有啲攰，想大啖肉大啖肉咁食，忽然兴起想食茶餐厅㖞！上网做下功课，谂住去廉记咖啡，但去到望住个餐牌都唔知食咩好......见到对面呢间龙凤冰室，个餐牌有好吸引嘅鸡髀啊猪扒啊咁，令我谂起以前好传统嘅茶餐厅，就坐咗入去叫咗两个餐。一个系蜜蒜鸡髀配意粉，仲有一份炒蛋，上面仲有一啲急冻粟米。鸡脾非常入味，唔系靠个汁勾个「献」就当有调味，食落一啲都唔嚡，仲煎得好香口。我叫咗辣味，本来好期待，但辣味一啲都唔强烈，辣嘅程度我觉得好似三哥嘅五小辣咁。最最最抵赞嘅系佢个汁，蒜香十足，又甜甜地，咸味啱啱好，系传统嘅豉油汁上面再加添蒜、甜、辣，造成一个层次。唯一美中不足嘅系佢有啲油腻，应该系由于辣油造成。佢嘅炒蛋都非常之好，炒得好滑身，唔会过熟，而且好厚身，仲有好香既蛋味。要弹嘅系佢啲急冻粟米，一啲味都冇，唔知点解要架，令到呢件事错晒...... 拎走左会令碟饭完美。另一个系特餐，汤意粉配鸡蛋火腿，跟一个菠萝包。炒蛋保持水准，一样高质。以夜晚九点嘅菠萝包水准黎讲都还可接受，唔会太过干身，当然我未试过系呢到朝早9 点食，水准系点就不得而知喇。呢个餐就不过不失啦，对得住价钱。整
上网做下功课，谂住去廉记咖啡，但去到望住个餐牌都唔知食咩好......
见到对面呢间龙凤冰室，个餐牌有好吸引嘅鸡髀啊猪扒啊咁，令我谂起以前好传统嘅茶餐厅，就坐咗入去叫咗两个餐。
一个系蜜蒜鸡髀配意粉，仲有一份炒蛋，上面仲有一啲急冻粟米。
鸡脾非常入味，唔系靠个汁勾个「献」就当有调味，食落一啲都唔嚡，仲煎得好香口。
我叫咗辣味，本来好期待，但辣味一啲都唔强烈，辣嘅程度我觉得好似三哥嘅五小辣咁。
最最最抵赞嘅系佢个汁，蒜香十足，又甜甜地，咸味啱啱好，系传统嘅豉油汁上面再加添蒜、甜、辣，造成一个层次。唯一美中不足嘅系佢有啲油腻，应该系由于辣油造成。
佢嘅炒蛋都非常之好，炒得好滑身，唔会过熟，而且好厚身，仲有好香既蛋味。
要弹嘅系佢啲急冻粟米，一啲味都冇，唔知点解要架，令到呢件事错晒...... 拎走左会令碟饭完美。
另一个系特餐，汤意粉配鸡蛋火腿，跟一个菠萝包。
炒蛋保持水准，一样高质。
以夜晚九点嘅菠萝包水准黎讲都还可接受，唔会太过干身，当然我未试过系呢到朝早9 点食，水准系点就不得而知喇。
呢个餐就不过不失啦，对得住价钱。
整体来讲，我几推介呢间餐厅推介既食物，好味到我食到一半先记得影相，但系餐牌上面嘅其他嘢，就唔好有太大期望啦。
有一个减分位，就系冷气唔够，一定要叫冻饮。
同埋，茶餐厅地方浅窄，唔适合太细个嘅小朋友去。
30 浏览
0 赞好
0 留言
张贴
