和牛燒肉一郎 (新都城中心二期) (已結業)

老公既烧肉瘾又起，近近地去屋企附近食和牛烧肉~我地叫左C餐，3百几蚊可以任饮任食，包左两款黑毛和牛，澳洲M9薄灸，仲有另外4款特选牛，海鲜、豚肉仲有鸡肉!两款黑毛和牛分别系和牛牛肋肉同和牛牛脊肉，两者牛肉味都好浓又唔会感觉好肥腻、但我自己私心最爱系澳洲M9薄灸，牛味系最浓而且薄薄一片，烧完卷起食，口感极好又香浓!另外特选牛分别有牛肋肉、牛里脊肉、薄灸里脊肉，烧起果下点埋酱汁食真系一流~如果惊食得太滞仲可以加生菜包住~鸡肉私心推介鸡腿肉，肉质嫩滑多汁，一D都唔鞋口!我地仲叫左个温泉蛋饭，捞埋蛋汁食，再加上紫菜碎真系一流~最后出面拎埋雪条食就真系完满~老公表示非常满意!