十十川滬料理 (已結業)

今次试下食呢间嘅酸菜鱼火锅，佢地仲有得任食小笼包！🤤入座后每枱可以拣一款茶饮，唔使额外加钱。火锅总共有七款汤底拣，我地就拣咗酸菜鱼同水煮鱼汤底。水煮鱼汤底唔算好辣，几啱唔食得辣嘅人🤣。不过酸菜鱼汤底就偏淡，酸味都唔系好浓。鱼肉都几嫩身，但份量就唔系好多。火锅加48蚊有得任食30多款火锅配料，原味小笼包，仲有黑糖珍珠豆浆🤤。火锅配料正正常常，肥牛都系急冻个只黎😂。可以自己叫宽薯粉放落锅度煮，仲有得叫担担面同上海粗炒。不过我最期待就系佢个任嗌嘅小笼包🤤。虽然佢细细只，皮好薄身，但个馅好足料，爆多汁！上菜个时仲要系热辣辣，有惊喜到！不过火锅只系任食90分钟，所以都有啲赶。个人建议火锅配料唔使叫太多，留肚食小笼包都回到本🤣！埋单每人都只系$160，都几抵食嘅👍🏻。