影片
更多
2012-09-18
1251 浏览
Auntie宴客，请好友及晚辈食半价美味粤菜：珀丽酒店内之「珀丽心轩」。酒店地点其实巴士，小巴，地鐡，电车，乜都到，不过如果小肥唔系同人肉地图大肥爸爸一齐黎，真系未必会揾倒，因为都几隐蔽下。听auntie讲，喺度食饭可以享有两个钟头免费泊车优惠，无奈XO当晚有意饮酒，所以为安全起见都系决定搭的士！小肥都系第一次见倒一间酒店中菜餐厅以全男班黎招呼客人，感觉颇为意外。大家千奇唔好意为佢地会好粗鄙呀，因为佢地每一个都好有礼貌，态度亦好诚恳，而且仲温文过好多酒店姐姐仔架，酒店真系好有眼光！Auntie一早叫哂𩠌，其中几款系心轩o既招牌菜，由小碟到甜品佢都精心挑选过，希望大家喜欢： 凉伴木鱼豆腐：埋位第一样上枱o既小食，唔系我埋单，所以唔知系咪免费。豆腐小辣，好野味，大家都好啱食，食完一碟再叫佢黎多碟。 海苔香酥金菇菜：依款小碟好有特色，亦做得非常出色！首先，个𩠌做得好似薯片咁香口干脆薄身，送酒一流！再者，唔讲真系食唔出个炸物系由金菇做o既，因为个金菇菜完全唔黐牙，又唔韧，真系妙极，妙极！哥哥仔解释话「金菇菜」其实系指金菇加紫菜所炸制成之菜式，经师傅钻研过认为此乃金菇之最佳食法。XO仔其实好惊食
小肥都系第一次见倒一间酒店中菜餐厅以全男班黎招呼客人，感觉颇为意外。大家千奇唔好意为佢地会好粗鄙呀，因为佢地每一个都好有礼貌，态度亦好诚恳，而且仲温文过好多酒店姐姐仔架，酒店真系好有眼光！
Auntie一早叫哂𩠌，其中几款系心轩o既招牌菜，由小碟到甜品佢都精心挑选过，希望大家喜欢：
凉伴木鱼豆腐：埋位第一样上枱o既小食，唔系我埋单，所以唔知系咪免费。豆腐小辣，好野味，大家都好啱食，食完一碟再叫佢黎多碟。
海苔香酥金菇菜：依款小碟好有特色，亦做得非常出色！首先，个𩠌做得好似薯片咁香口干脆薄身，送酒一流！再者，唔讲真系食唔出个炸物系由金菇做o既，因为个金菇菜完全唔黐牙，又唔韧，真系妙极，妙极！哥哥仔解释话「金菇菜」其实系指金菇加紫菜所炸制成之菜式，经师傅钻研过认为此乃金菇之最佳食法。XO仔其实好惊食金菇，事关曾经因咬唔断而哽亲，造成童年阴影，不过依道金菇菜真系令我叹为观止！据说「海苔香酥金菇菜」系镇店名菜之一，平时唔食金菇o既朋友都真系要去试下！
香麻海蜇头：麻油味香浓，海蜇头爽脆，食左三味小食已经觉得间餐厅好有水准。
当晚，Auntie其实仲叫左两款头盘，不过因小肥怕鱼，所以冇食到：蟹醋脆鳝，海苔白饭鱼。
碧绿芝麻虾球：虾球系雪藏虾，不过咁o既价钱亦无可厚非，要赞o既系虾球同西兰花一样做到好爽脆，小肥只系略嫌沙律酱重手左少少。（唔知XO有冇食错呢，个𩠌好似有好轻微o既芥辣味咁。）
玉露骨香龙俐球：咁多味之中以依道龙俐球较为失色，鱼球都尚算脆口，鱼肉又够软，可惜就腥左少少。如图所示，起哂肉之后，师傅张条龙俐骨炸制过，做成一条「玉露骨」，爸爸同其他鱼迷们都话除左条尾之外，全条都好香脆，一定要赞咁话。
稻草牛西施：此乃XO个美女厨神波Ｃ最喜爱之菜式也！因为个牛冇骨，大家都估佢系牛腩。波Ｃ好欣赏个牛可以做到唔嚡，唔韧，唔干，啲肉又唔会一丝丝，而且咁入味！连美女厨神都赞不绝口，真系唔讲得笑！假如大家真系黎试，请留意稻草罅间其实仲有好多肉架，𠮶晚好彩小肥后生眼利睇得好清楚。
愉耳红烧豆腐：豆腐经煮炸过，皮脆心嫩，又够入味，very good！
客家沙姜鸡：睇倒鸡骨上呈现出鲜红色，即代表只鸡系新鲜而唔系冰鲜或雪藏o既。小肥只食鸡胸，全只鸡最嚡或者可以话系最难控制o既部分，真系好难得鸡胸肉可以如此嫩而软！此外，鸡皮上系冇哂毛，非常卫生，连皮食鸡胸真系顶瓜瓜！沙姜汁同姜葱都系另上，食客可以自选酱汁；其中一位唔系好食汁o既auntie话唔点汁一样咁有味，好野！
川椒豆腐肉松炒通菜 & 上汤浸苋菜：如果有睇开小弟o既食评都应该知道小肥最唔钟意食菜，所以意见全属在座其他客人：两款菜都好新鲜，煮得唔会老，又够入味，唔错wor。
鲜果鲤鱼布甸：净睇卖相，全场已经哗声四起，仲千叮万嘱叫我影多几个角度同大家分享；鲤鱼布甸中红色为红豆味，黑色为芝麻味，黄色为芒果味。连唔好甜品o既妈咪都忍唔住要每样试一口，咁已经值回票价啦！咁多款之中以星形桂花糕最清，所以第一样就食佢，桂花味清香，绿茶味浓郁，个糕软度啱啱好，唔会太梗又唔会松软到一夹就散，果然有啲Chinese Kongfu！鲤鱼布甸当然唔系只得个样睇啦，三款都咁香滑美味，完全唔需要点花奶，小肥同大肥最钟意有粒粒芒果肉o既黄色香芒布甸，食完身痕（因小弟对芒果敏感）都要食！
酒店而家做紧一个推广优惠，就系逢星期一至五晚餐时段食物全面五折，而周末就七折。我地当晚十个人，埋单连加一，千三蚊有找！平均每人百三蚊，有鸡，有鱼，有虾，有牛，有菜，包埋甜品同茶芥，酒店级服务及环境，食材同菜式质高有水准，个个仲要饱到揽住个肚，我地全枱人都觉得真系超抵，所以月底前（即推广期完之前）一定会返黎再帮衬！
张贴
