日和号壽司料理 (已結業)

今日去开Megabox行街，经过见到依间好多人食既日和号寿司料理就黎试下喇，睇真原来做紧半价优惠，唔怪之得咁多人食啦。店入面有大大架火车系度，好得意啊🤣知道系半价之后我哋当系放题咁叫🙈一嚟到梗系食咗刺身先啦，三文鱼腩好肥美，每一块到好厚身，油甘鱼亦都好新鲜。呢度嘅寿司亦都相当有特色，火炙柚子胡椒帆立贝，清甜嘅帆立贝加上有子胡椒酱，辣得黎好清爽。海胆军舰，海胆份量非常之多，而且好新鲜。稻荷吞拿鱼沙律，呢个一定系小朋友至爱，甜甜地嘅腐皮再加上啖啖肉嘅吞拿鱼沙律。七味蟹捧寿司，轻轻烧过嘅蟹捧，非常香口。依度既饮品亦相当大杯，超抵👍🏻