松山素食 (已結業)

想起中上环想食一个低过50蚊嘅饭真系好难。 今日见到呢度开咗一间新嘅店舖，外卖一盒饭只是30蚊左右真是吸引。 细心一望，原来系一间斋菜铺，平时食饭食肉多，一个礼拜食一两日斋菜，仲可以悭钱，真系一个唔错嘅选择。试过之后，我决定每个星期都嚟呢度食一，两次。我同同事叫咗一个三𩠌饭同一盒炒面。虽然炒面嘅样子唔太似炒面，但系呢个罗汉斋炒面湿湿地，又唔淡口都唔错，比外表望落高分。另外三𩠌饭我哋选择咗炒蛋，一个镇江酱面筋，同一个普通炒菜。 成日以为斋菜好淡口好dry，但系原来就咁食都唔错，唔会觉得太淡口，清一清肠胃真系唔错。 33蚊一个饭去边度揾， 而且份量十足，食完之后一啲都唔口渴，应该冇味精吧。 饮埋个唔算淡口嘅斋汤，完成咗一个丰富又健康嘅午餐。