燒魂 (已結業)

今日跟朋友嚟尖沙咀食燒肉放題，每人三百幾蚊就可以食到壽司刺身同埋燒肉放題，仲要好高質，真係幾抵食！平時去開啲燒肉放題店，食嘅壽司刺身質素都麻麻地，今次原本都係抱住試吓嘅心態嗌咗少少，點知有驚喜！三文魚刺身食落好新鮮，油脂比例啱啱好，最有驚喜係佢哋嘅鮮蝦，同相入邊嘅一模一樣超級大條，而且好鮮甜，我哋都嗌咗兩round！牛肉質素一啲都唔差，肥瘦適中，入口嫩滑，牛味濃郁，肉汁仲要不停咁爆出嚟，絕對唔係平時放題食開低質素嘅牛肉！另外一定要大推呢度嘅雞翼，佢有四款唔同味嘅雞翼，款款都好惹味，一定要試吓！除咗豬牛雞，仲有好多唔同肉類丸類可以任嗌，炸物亦都好吸引，鍾意食榴槤嘅一定要試佢哋嘅榴槤炸彈，咬落流心，超香濃嘅榴槤味，真係好正！仲有唔同嘅罐裝飲品任飲！超級滿足！下次食燒肉一定再同朋友嚟，除咗燒肉仲有壽司刺身放題，一定唔會食到厭，超級抵食！