唐記包點 (華園閣)

营业中

休息中

每次经过唐记包点都大排长龙，今天有点时间，望一望，发现各款包点原价$8，做紧优惠价$6，各款蒸饭原价$27，做紧优惠价$20，真心抵，决定帮衬一下！包点选择超多，今次试左奶皇包，大大个，热辣辣，奶皇馅好幼滑，而且超多，正！另外足料糯米鸡既馅料真系好足，有鸡翼、叉烧、肥肉、瘦肉、肉碎、冬菇等等，足够2个人食！咸蛋肉饼饭，大大旧肉饼，而且食落肉发现饼内竟然有马蹄，好有口感，如果加多点豉油就更美味！另外买左个红豆砵仔糕做下午茶。红豆遍布成个砵仔糕面，$6真系好抵食。砵仔糕香甜唔黏牙，又唔会太甜，口感软滑，值得一试👍🏻仲有豆腐花，同样热辣辣，又香又滑！