茹絲葵牛排餐廳 (已搬遷) 新店位置

呢间扒房已经系第二次嚟㗎啦！上次嚟都系因为有汇丰restaurant dining week所以先至知道有呢间餐厅😋呢间餐厅个装修好典雅，位置好阔落，喺香港好少有咁阔落嘅餐厅。讲番啲食物，我哋嗌嘅系最平$438 promotion嘅套餐，有前菜，块扒呢就系四安士嘅牛柳，仲有side dish可以拣菠菜芝士同埋薯蓉，我两款都叫晒😀另外甜品方面，可以拣芝士蛋糕或者雪糕芭菲，我哋就拣咗芝士蛋糕。首先讲个前菜我哋嗌咗一个carpaccios 同埋周打蟹汤，两个都非常出色好好食。我仲想特别一提系佢嘅餐包，系热辣辣好烟靭，个牛油亦都好香。之后到块扒，我哋嗌嘅系medium，佢真系整得好香好好食，同埋佢只碟系好热嘅，我唔知佢系用咩嘢方法你去到处理呢一旧牛柳😅最后个甜品芝士蛋糕，非常好食，唔算好甜。另外佢喺个芝士蛋糕上面有一层好似乳酪咁嘅嘢，中和返蛋糕入面嘅甜味。顺带一提，佢嘅服务系好好👍🏼我两次嚟所有员工都好好笑容，我觉得而家喺香港揾到啲服务咁好嘅餐厅真系越来越少，要好好珍惜。