影片
更多
2020-03-10
330 浏览
小编都好耐冇试新野啦，特别呢排紧张局势（武肺横行）真系少左出街。唔知点解心思思好想食omakase但通常返工（小编都唔系日日返，都系一个人礼拜返一至两日减低感染风险吖嘛）都系早放早收极度任性上班时间，所以好少出街食夜晚饭，唯独lunch就会有机会揾下有冇好西，本来打算去传统既寿司x既（亨利中心o个间呢）但小编睇下OR既食评似乎普遍食客对呢间野近期质素略有微言，小编当然唔敢搏啦讲到咁差，宁愿试间新好过，就算差都唔会太失望。揾下揾下揾到呢间，呢栋大厦有两三间食寿司既，独独小编对佢有d兴趣又见佢lunch有7折咁抵食，早两日o系OR book台又有🉐️赚埋asiamiles添！爽皮！当然魔鬼总是在细节，OR都写🉐️清楚佢地既7折只限A la carte即系单点。👌🏽，小编觉得单点7折都可接受既。今日12点准时到达，一座低都即刻可以order因为个a la carte都唔多我喜欢既选择，当然叫返最稳阵既10贯特上寿司啦。服务员话要等20分钟，我觉得合理话晒师傅即时整，又唔系元x、千x ｏ个d。大约15分钟就到啦，个卖相已经加分，仲念著师傅会hea d整添，话晒系7折吖嘛，你知啦，香港地做生意就系你
当然魔鬼总是在细节，OR都写🉐️清楚佢地既7折只限A la carte即系单点。👌🏽，小编觉得单点7折都可接受既。今日12点准时到达，一座低都即刻可以order因为个a la carte都唔多我喜欢既选择，当然叫返最稳阵既10贯特上寿司啦。服务员话要等20分钟，我觉得合理话晒师傅即时整，又唔系元x、千x ｏ个d。
大约15分钟就到啦，个卖相已经加分，仲念著师傅会hea d整添，话晒系7折吖嘛，你知啦，香港地做生意就系你比几多就比你付出价钱再低d既水准。估唔到，寿司既新鲜程度系100%！冇错，小编我其实对寿司要求都颇高，呢度既寿司无论鱼、鸡蛋、饭都系水准之上、我觉得又少少出乎我意料之外，连我最唔like既玉子、呢度都整得好好味。
呢个特上寿司小编真心推介俾大家，原价360、加1⃣️之后再有7折埋单收288，以质素黎讲系超值既，就算360原价食呢个小编都觉得合理。
而最最最最开心莫过于师傅好好人比多两贯我，我真系觉得自己好好彩吖！又开心左成半日
感谢师傅既extra 寿司，因为呢个bonus小编决定一定会再去帮衬
备注：小编认为最出色既寿司系鱿鱼寿司，咬落口仲有o个种胶质口感真系好好味道呀！拖罗又系好味到癫
不过佢地既7折offer去到今个礼拜日渣，大家唔好错过吖！
特上寿司10贯
$360
51 浏览
2 赞好
0 留言
张贴
