影片
更多
2024-06-12
183 浏览
今日又喺铜锣湾揾食，路经呢间乐汤鸡面馆，听到姐姐大力宣传佢哋超抵食嘅午市套餐，一于入去试吓！午市套餐总共有六个，我哋嗌咗口水鸡配细鸡汤（$58）同埋滋味汁鸡丝捞米线（$58），全部午市套餐都系$58，白饭转 刀削面/米线/米粉/粉丝/菜底只需要加$3，超级抵食，所以我就直接转咗个刀削面。刀削面几有咬口，咬落几弹牙，面质都几爽口，配埋鸡汤都几清甜，钟意食辣嘅都可以任加辣椒油，我就唔客气落咗三大羹，因为辣椒油都唔算好辣。口水鸡都唔系好辣，唔系用返任加嘅辣椒油，几有诚意，鸡肉几嫩滑，一啲都唔肥，连埋皮食都唔会觉得好有罪恶感，冻冻地几开胃。鸡丝捞米线都几爽口，都可以任加辣椒油，几适合而家热辣辣嘅天气食。最正嘅系午市套餐仲要配汽水，加两蚊就可以转道地无糖乌龙茶或者豆浆，喺铜锣湾50几蚊食到个午餐仲连埋嘢饮真系几抵食，打工仔午餐之选！
午市套餐总共有六个，我哋嗌咗口水鸡配细鸡汤（$58）同埋滋味汁鸡丝捞米线（$58），全部午市套餐都系$58，白饭转 刀削面/米线/米粉/粉丝/菜底只需要加$3，超级抵食，所以我就直接转咗个刀削面。
刀削面几有咬口，咬落几弹牙，面质都几爽口，配埋鸡汤都几清甜，钟意食辣嘅都可以任加辣椒油，我就唔客气落咗三大羹，因为辣椒油都唔算好辣。口水鸡都唔系好辣，唔系用返任加嘅辣椒油，几有诚意，鸡肉几嫩滑，一啲都唔肥，连埋皮食都唔会觉得好有罪恶感，冻冻地几开胃。鸡丝捞米线都几爽口，都可以任加辣椒油，几适合而家热辣辣嘅天气食。最正嘅系午市套餐仲要配汽水，加两蚊就可以转道地无糖乌龙茶或者豆浆，喺铜锣湾50几蚊食到个午餐仲连埋嘢饮真系几抵食，打工仔午餐之选！
张贴
