日和号壽司料理 (已結業)

虽然我好钟意食日式野，但寿司刺身我本身比较少食。最近去公司附近食饭，见到【日和号寿司料理】做寿司/军舰/刺身半价优惠，所以就去试下啦！ 刺身：叫左三文鱼腩、甘海老，八爪鱼同带子刺身。整体黎讲刺身都算新鲜。个人推荐三文鱼腩同甘海老。三文鱼腩无咩腥味，好肥美。甘海老好鲜甜爽口！ 寿司+军舰总共叫左12款，个人觉得军舰3款都偏咸！虽然紫菜好新鲜同好脆，但我觉得除左三文鱼籽，其他可以skip。 另外会比较推荐亲子花之卷（三文鱼+三文鱼籽），好香，而且好足料。其他就依个人喜好叫就ok。 半价熟食就得炸八爪鱼丸，外脆内软，而且新鲜整起，都非常唔错。 饮品就无半价，但都叫左一杯白桃乳酸梳打。 以半价既价钱黎讲，CP值好高。有机会可以再战！