趣意廚 (順景華庭)

营业中

休息中

呢间DK Pizza已经食过2次，第1次堂食几唔错，所以第2次开party再买咗外卖😌 不过唔记得影相🥲 第2次系叫咗party set，有pizza同小食，啲炸鸡/烤鸡都几大件，pizza外卖咗衬热食都无淋晒，馅料都好丰富，但蒜蓉包食嘅时候已经焗到硬晒😢•🥢 夏威夷Pizza $48本身对咁平嘅pizza无特别期望，但食落超有惊喜！6‘’ Pizza可以切开4块，佢系厚批🤩 因为系即点即制，所以批底同批边好脆，做到外脆内软！虽然款式都系classic嘅款，但馅料都足够，拣咗嘅夏威夷Pizza，芝士份量多，做到拉丝效果，仲有啲火腿同菠萝😈 咁平都食到即点即制嘅pizza，加咗好多分😍•🥢 拿破仑茄汁大虾海鲜阔条面 $58阔条面相对pizza就普通少少啦，大虾唔系好大只，算中size🙈 但口感几弹牙嘅～另外仲有啲蚬肉，酱汁几多，配阔条面唔会太干，呢个价钱嘅意粉质素都可以接受～•🥢 烤鸡All day set (意粉) 会包一款小食，再加就+$10有多一款，我哋拣咗烤鸡加薯角，薯角就正常野唔特别讲，烤鸡系鸡肶嚟，虽然唔系烤到好香，但都几滑，味道都唔错。