一番日本料理

营业中

休息中

一番日本料理 (元朗)元朗教育路29号地下C舖山长水远落到嚟元朗，朋友带我食好嘢，话一定要嚟呢度食寿司，一系就自然出名系大件夹抵食，今日一探究竟。$228刺身船26片一嚟就咁震撼视觉，唔系啊嘛好正㖞，开心到拍手掌👏🏻👏🏻👏🏻卖相好巨型，睇到都开心🥳食落就仲开心😃全部海鲜都非常新鲜。食足6款款唔同嘅刺身真系好正。$78海葡萄海胆杯惊喜一浪接一浪，呢个海胆真系超甜超好食，够大件，甜虾够厚身爽口，好正呀，我劲钟意食海葡萄同埋海带，佢处理得好爽口，配埋个选择一流。$20八吋长海鳗寿司今次不枉我搭过嚟元朗，食得值得，好大条鳗鱼寿司，睇到都笑岀来，食落甘香仲开心。果然名不虚传，真系特长，抵食夹大件。$65软壳蟹寿司六件冲击波又来啦，唔系啊嘛，咁大件软壳蟹寿司？！件件掌心咁大，大过冰皮月饼size。要擘大个口食先可以食到全部嘅配料，大快朵颐我谂就系咁。冇介绍错，喺港岛出嚟元朗一定要食一番，唔怪得佢人流不断，劲多人排队要坐喺出边等位。