越萊 (福榮街)

营业中

休息中

平时好少出去深水埗食，今日咁啱去行街，限聚令又开放六点后可以继续用餐，所以就睇吓附近有咩好食。发现呢间越南餐厅嘅食物种类都好多，下午茶仲有手札肉包、猪扒包同鱼柳包等等，因为我哋已经6:00去食，所以我哋食埋晚饭，叫咗一个捞檬、一个河粉，同埋两个小食。啱啱到六点，都几多客人嚟食，仲见到好多人叫外卖添，价钱来讲我觉得都几抵食。先嚟咗个河内虾肉米子卷，虾肉大大只，米子皮好弹牙，点埋啲酱食，好惹味。猪肉丸生牛肉汤河，生牛肉上到枱啱啱熟，入口即溶，猪肉丸都几弹牙，佢仲配埋两旧萝卜，不过个汤底就偏浓味。另外叫咗个猪颈肉配鸡扒捞檬，檬粉入口弹牙，猪颈肉同埋鸡扒嘅味道都几浓味，烧得好香，同埋眼见个份量都几多，两个人先食得晒。