影片
更多
2017-08-01
1778 浏览
今晚去咗萨莉亚开餐，去到门口好多人等紧位，正想走唔等，听到佢叫飞叫得好快，最后等咗十分钟，就有位。先叫咗菠萝什锦蔬菜沙律，酸酸甜甜嘅菠萝，又脆又绿嘅沙律菜，加埋沙律酱，简简单单，好好食。周打海鲜汤，好香好滑，仲啖啖蚬肉，不过就唔够热，暖暖地，如果再热D，一定仲好饮。蒜香法包，一碟两块，热辣辣，远远都闻到好香嘅蒜蓉味，不过要趁热食，冻咗无禁好食。香辣鸡翼，个皮煎得好香好脆，鸡肉又唔会好干，望落去唔似好辣，但喺食落都几辣。黑椒蚬肉铁板，蚬肉虽然细少少，放喺铁板度变得好干身，不过入口就食到少少辣辣地，加埋蒜盐，好够味。蒜汁烧鱿鱼，我最钟意食烧鱿鱼，所以一定叫，鱿鱼好大只，又唔会好韧，点埋烧汁，好惹味。鸡肉野菌双享薄饼，以为野菌同鸡肉喺一齐焗，点知原来喺每边一款𩠌，有D失望，味道比较淡，唔够好味。野菌忌廉意大利粉，白酱汁煮，加埋好多芝士粉喺面，意粉又唔会过淋，好食。甜品芒果冰雪蛋糕，幼滑嘅冰雪糕，加埋蛋白脆饼碎，面头淋满芒果果肉酱，酸酸甜甜，个样都几靓，不过就甜咗D。榛子脆饼冰雪蛋糕，好浓味嘅榛子冰蛋糕，加埋榛子蛋白饼底，几松软，味道好香浓，好抵食嘅甜品。饮品叫咗意大利白酒，入口带酸，味道都O
先叫咗菠萝什锦蔬菜沙律，酸酸甜甜嘅菠萝，又脆又绿嘅沙律菜，加埋沙律酱，简简单单，好好食。
周打海鲜汤，好香好滑，仲啖啖蚬肉，不过就唔够热，暖暖地，如果再热D，一定仲好饮。
蒜香法包，一碟两块，热辣辣，远远都闻到好香嘅蒜蓉味，不过要趁热食，冻咗无禁好食。
香辣鸡翼，个皮煎得好香好脆，鸡肉又唔会好干，望落去唔似好辣，但喺食落都几辣。
黑椒蚬肉铁板，蚬肉虽然细少少，放喺铁板度变得好干身，不过入口就食到少少辣辣地，加埋蒜盐，好够味。
蒜汁烧鱿鱼，我最钟意食烧鱿鱼，所以一定叫，鱿鱼好大只，又唔会好韧，点埋烧汁，好惹味。
鸡肉野菌双享薄饼，以为野菌同鸡肉喺一齐焗，点知原来喺每边一款𩠌，有D失望，味道比较淡，唔够好味。
野菌忌廉意大利粉，白酱汁煮，加埋好多芝士粉喺面，意粉又唔会过淋，好食。
甜品芒果冰雪蛋糕，幼滑嘅冰雪糕，加埋蛋白脆饼碎，面头淋满芒果果肉酱，酸酸甜甜，个样都几靓，不过就甜咗D。
榛子脆饼冰雪蛋糕，好浓味嘅榛子冰蛋糕，加埋榛子蛋白饼底，几松软，味道好香浓，好抵食嘅甜品。
饮品叫咗意大利白酒，入口带酸，味道都OK，只喺$16一杯，认真抵饮。
其实每次去萨莉亚食嘢，都会唔觉唔觉叫咗一枱嘢食，因为佢D嘢真喺好平，而且味道都OK，所以每次都会食得好饱。
张贴
