一喜‧涮涮鍋

营业中

休息中

今日同朋友嚟到鲗鱼涌康怡花广场嘅「一喜·涮涮锅」食放题。呢间餐厅推出咗多款不同价钱嘅放题套餐，有不同级数嘅牛肉和猪肉去选择。今晚我哋拣咗最新推出嘅澳洲安格斯牛板腱放题套餐$268。 餐厅仲供应9款汤底俾客人选择，喜欢养颜兼钟意打卡嘅我，当然选咗骨胶原美颜玫瑰花胶鸡白汤，因为有朵🌹型鸡白汤啫喱慢慢在锅中溶化。我哋选咗澳洲安格斯牛板腱、极品美国牛肩胛肉、特选美国牛肩肉、日本豚肉。 啲牛肉全部都大大块，兼好有肉味。而出面更有不同款式嘅蔬菜，同埋多款丸子选择，重有乌冬，公仔面、白饭更可以加埋脆脆嘅紫菜，另外仲有炸物添！仲有一个蔬菜雪柜，放咗不同款式嘅蔬菜，包括西洋菜、生菜和白菜等，而下层更有些小菜，包括豆腐、麻辣鱼皮、日式螺肉等等。饮品柜更加唔讲得笑，好多款式选择，除咗有指定嘅汽水，重有好多韩国果汁饮品和不同味道嘅茶饮。甜品柜有好多款式，似足食buffet咁样，另外更有不同味道嘅雪糕和冰棒。