影片
更多
2018-03-08
207 浏览
※本文以用餐当日的环境、服务和食物质素为准，口味亦因人而异，文章只作参考之用。-前排系网上睇到介绍「山城」既报导，佢地既酸辣粉同小食都很吸引，见近近地揾日放工就去食晚餐。不过店子位置介乎于深水埗同太子中间，太子站行过去都要约十分钟，不算就脚。店子环境不大，只有数张枱椅，由于去到时间尚早，仍有卡位可坐。餐牌上有各款面食和小食，小妹觉得佢地既二人套餐系非常抵食，晚餐约一百蚊有两碗面两个小食同两个饮品/糖水，好佛心价！「食均山城二人餐」$109麻辣手撕鸡及蒜泥白肉，前者手撕鸡的份量都几多，味道主要靠麻辣汁带起，味道可以；蒜泥白肉面头放了很多蒜泥，与白肉一同食相当惹味，咀嚼中带有脂肪香又没骚味，好食。黄金皮蛋 $26黄金皮蛋同平时的皮蛋不同之处，在于平时食开既系港式腌法，四川腌法会系黄色透明皮，食落同一般皮蛋味道无大分别；中心蛋黄带点点流心，蛋味突出，加埋辣汁、蒜粒同葱等，小妹食唔停口，食亲米线和酸辣粉必点皮蛋黎过过口瘾！山城牛肉面男人的山城牛肉面，拣左要刀削面，叫左中辣都唔会好辣，刀削面咀嚼中富口感；牛肉用上略带筋位的牛腩部分，食落唔会好韧，整体都唔错。正宗酸辣粉 （腩肉+$8）到小妹至爱既
-
前排系网上睇到介绍「山城」既报导，佢地既酸辣粉同小食都很吸引，见近近地揾日放工就去食晚餐。不过店子位置介乎于深水埗同太子中间，太子站行过去都要约十分钟，不算就脚。
店子环境不大，只有数张枱椅，由于去到时间尚早，仍有卡位可坐。
餐牌上有各款面食和小食，小妹觉得佢地既二人套餐系非常抵食，晚餐约一百蚊有两碗面两个小食同两个饮品/糖水，好佛心价！
「食均山城二人餐」$109
麻辣手撕鸡及蒜泥白肉，前者手撕鸡的份量都几多，味道主要靠麻辣汁带起，味道可以；蒜泥白肉面头放了很多蒜泥，与白肉一同食相当惹味，咀嚼中带有脂肪香又没骚味，好食。
黄金皮蛋 $26
黄金皮蛋同平时的皮蛋不同之处，在于平时食开既系港式腌法，四川腌法会系黄色透明皮，食落同一般皮蛋味道无大分别；中心蛋黄带点点流心，蛋味突出，加埋辣汁、蒜粒同葱等，小妹食唔停口，食亲米线和酸辣粉必点皮蛋黎过过口瘾！
山城牛肉面
男人的山城牛肉面，拣左要刀削面，叫左中辣都唔会好辣，刀削面咀嚼中富口感；牛肉用上略带筋位的牛腩部分，食落唔会好韧，整体都唔错。
正宗酸辣粉 （腩肉+$8）
到小妹至爱既酸辣粉，里面加左花生和炸酱等，汤底望落红红的一碗，事实食落唔会好辣，酸酸辣辣的非常惹味，只是扭纹薯粉煮得偏谂左少少，不过食落都系非精岩小妹胃口！
最后黎一碗跟餐的红糖冰粉，晶莹剔透又水漾的样子，剩系望到已经透心凉。冰粉入口甜甜的，仲加左提子干在内，食完咁多又辣又麻的食物，来一碗可以顺道清清味蕾，顿时觉得清新多了！
张贴
