大山日本料理

营业中

休息中

今日去咗旺角西洋菜南街的一间日本餐厅，叫大山日本料理。佢系楼上舖嚟嘅，要上二楼，上到去别树一格，装修得好特别，日本风，而且可以坐窗口位，望返繁华旺角嘅街景，几chill架。最好就系价钱合理！！ 如果晚市7点15分前落单仲可以有85折！ 今晚就食咗个三文鱼极上北海道带子丼饭， 大阪烧同埋巨峰乳酸梳打，最后仲食埋一个北海道芝士蛋糕，好满足呀！先讲个大阪烧，木鱼个份量好多呀，而且好钟意佢都加咗好多沙律酱，即叫即整，热辣辣，好正。另外极尚北海道带子丼， 有好多三文鱼，带子，好大粒好鲜甜，仲有鱼子！成碗分量都好多，好饱！唔使一百蚊真系超值呀！！最后北海道芝士蛋糕，好好食，好松软，芝士味又浓，好味！20蚊超抵！整体好满意！会再来。