囍慶酒家

营业中

休息中

屋企人食饭近近地去咗囍庆酒家😌除咗坐得舒服地方仲好光猛，似系新装修～抵赞👍🏻😝经过部长极力推介试咗个海鲜四人餐$888仲要唔使加1真系超抵😆＂招牌金粟海鲜汤＂清甜粟米同新鲜嘅海虾煲出嚟嘅汤真系鲜甜无比🌽＂上汤开边龙虾两只配意粉＂龙虾虽然唔算大只不过肉质厚实，咬落去好有弹性😋伊面亦都吸收左上汤嘅鲜味，极速食晒🤣＂矿泉水蒸鲍鱼＂初初听个名觉得好得意，点解会用蒸馏水🤣最终都唔知点解，不过个鲍鱼就好新鲜而且好烟韧👍🏻＂劲蒜蒸贵妃蚌＂超多嘅蒜蓉加粉丝攞嚟捞饭都一流🤣＂豉椒炒花甲＂花甲唔大只，但胜在冇沙而且肉质好饱满，吸收晒豉椒嘅香味。＂椒盐九节虾＂每人两只劲香，而且外层脆卜卜，比劲多椒盐包围住，新鲜爽口，唔会因为炸过而变得好干身！＂清蒸沙巴仔＂比想像中大条，蒸时间啱啱好唔会过熟，肉质嫩滑。＂红烧开边乳鸽＂外皮唔算好卜不过胜在热辣辣，肉质唔干而且多汁。身为一个街坊酒家呢度性价比真系好高！下次我哋会再试吓食下午茶。