美心皇宮 (屯門大會堂)

营业中

休息中

因为本人系超中意食海鲜，所以见到今期美心皇宫有一系列大闸蟹菜式就俾佢吸引左入去。本身预左好贵埋单，点知见到个只要用恒生信用卡满三百蚊送一碟贵妃虾球再有折嘅优惠，所以最后两个人食到好饱都系四百蚊埋单，好满足。讲下我地叫个三碟𩠌先。我地叫左个花雕蛋黄大闸蟹，蟹粉虾豆腐同送嘅贵妃虾球，再加两碗白饭。蟹比餐牌嘅相细啲，同埋我以为有好多蟹膏加咸蛋黄嘅味重啲，点知花雕味最重，本身念住啲汁可以捞饭，但酒味太呛。不过，食到入面蟹肉同蟹膏其实好鲜甜，如果唔中意太重酒味，可以拨走啲汁，但就冇左个意义，不如自己买只大闸蟹蒸好过。不过二百蚊两只大闸蟹其实好抵食。之后个两碟比期望更好食。蟹粉虾豆腐捞饭一流，豆腐好滑，虾好弹牙，个味道好香。而另一碟贵妃虾球好有惊喜，虾球好大粒，总共有六粒，食落去系脆，好似炸咁，但冇炸粉，再加埋啲沙律酱，好清新，不过食到第二粒有啲济，但真系好好食。整体黎讲，我都好满意呢个海鲜餐，虽然个蟹唔系想像嘅味道，但其他野我都已经好满足。