影片
更多
2025-01-02
72 浏览
呢排天气冻咗，又系时候开始食啲滋补嘢😋朋友话呢间嘅二人餐非常抵食，今日等我试吓先。二人套餐如下：✨秘制太史五蛇羹（细）两客•加大$25
仲可以追加：花胶丝$18/海参丝18
水鱼裙丝$28/$干鲍鱼丝28✨腊味糯米饭两客（转 焦底焦底各款煲仔饭$29-46）✨鲍汁花菇扣水鱼裙边✨浓汁小米原只干鲍✨花旗参炖海参两客✨时蔬一客✨送椰汁炖雪燕两客秘制太史五蛇羹（细）两客呢度嘅蛇羹真系肉眼见到有一丝丝嘅蛇肉，果然真材实料，入面有唔同配料mix埋食落口感咁丰富，另外仲可以加啲柠檬草同薄脆一齐食，更加香口😃腊味糯米饭两客糯米饭同腊味一向都唔太感兴趣，今次朋友叫到下试咗几啖，又几好食㖞😨腊味分别有腊肉同腊肠，都好咸香，糯米饭烟烟韧韧。鲍汁花菇扣水鱼裙边咁多道菜式最推介呢个水鱼裙边，细个食水鱼试过敏感，好耐都冇食过，今次胆粗粗见到大大块又靓仔，所以照试咗，又滑又软腍腍，配上啲鲍汁调味都几夹🤭浓汁小米原只干鲍呢碗小米粥颜色金黄，食落甜甜地，有啲似南瓜熬煮而成，干鲍口感都几得意，少少烟韧又有啲鲍鱼嘅咸香。花旗参炖海参两客呢个系我第二推介必点！花旗参味非常浓郁，仲有大大条海参霸气咁放喺盅汤
呢排天气冻咗，又系时候开始食啲滋补嘢😋朋友话呢间嘅二人餐非常抵食，今日等我试吓先。
二人套餐如下：
✨秘制太史五蛇羹（细）两客•加大$25 仲可以追加：花胶丝$18/海参丝18 水鱼裙丝$28/$干鲍鱼丝28
✨腊味糯米饭两客
（转 焦底焦底各款煲仔饭$29-46）
✨鲍汁花菇扣水鱼裙边
✨浓汁小米原只干鲍
✨花旗参炖海参两客
✨时蔬一客
✨送椰汁炖雪燕两客
秘制太史五蛇羹（细）两客
呢度嘅蛇羹真系肉眼见到有一丝丝嘅蛇肉，果然真材实料，入面有唔同配料mix埋食落口感咁丰富，另外仲可以加啲柠檬草同薄脆一齐食，更加香口😃
腊味糯米饭两客
糯米饭同腊味一向都唔太感兴趣，今次朋友叫到下试咗几啖，又几好食㖞😨腊味分别有腊肉同腊肠，都好咸香，糯米饭烟烟韧韧。
鲍汁花菇扣水鱼裙边
咁多道菜式最推介呢个水鱼裙边，细个食水鱼试过敏感，好耐都冇食过，今次胆粗粗见到大大块又靓仔，所以照试咗，又滑又软腍腍，配上啲鲍汁调味都几夹🤭
浓汁小米原只干鲍
呢碗小米粥颜色金黄，食落甜甜地，有啲似南瓜熬煮而成，干鲍口感都几得意，少少烟韧又有啲鲍鱼嘅咸香。
花旗参炖海参两客
呢个系我第二推介必点！花旗参味非常浓郁，仲有大大条海参霸气咁放喺盅汤入面，本身好冻嘅我饮完手脚即刻暖笠笠🥵
时蔬一客
菜心鲜嫩，食落香甜。
椰汁炖雪燕两客
本身都已经食得好饱，见到系雪燕试咗两啖，点知成碗食晒🤣
张贴
