廚匯濃湯雞

营业中

休息中

今日同老公去旺角睇表，然后发现表舖附近，新开咗间嘢系食鸡锅煲。天气冻冻地，食佢就啱晒。餐厅装修简洁，好干净。我哋叫左两个小食同鸡锅。鸡锅可配白饭，另外如配米粉、米线同薯粉，里面有芽菜、腐皮同韭菜等配菜。香辣莲藕：用左芫茜同辣椒等调味，好有四川风味。莲藕非常爽口，辣度十足，几好。蜜糖芥末炸鸡件：刚炸起，热辣辣。鸡肉入口软熟，多肉汁，除咗芥末酱，另外仲有泰式甜酸酱，无论点边个酱都好好食。客家黄酒鸡锅 (配薯粉)：有云耳、菜同杞子等配料，菜份量多。鸡锅酒味极浓，姜味重，连鸡都入晒味。黄酒够补身，食完暖笠笠，滋补之选。花胶浓汤鸡锅 (配米线)：有云耳、菜同菇等配料，花胶大块有口感，汤底足料，鲜鸡味好浓，鸡肉滑，真系原汁原味。