大壹燒鵝 (啟田大廈)

营业中

休息中

临近新年，同家人提早食团年饭，好挂住大壹既烧味同小菜。星期一至四晚市既超值套餐真系十分抵食, $288有晒双拼烧味，2个小菜，仲有靓汤送。 烧味双拼(叉烧皇+玫瑰豉油鸡)叉烧半肥瘦，外身焦脆，肥瘦肉比例刚好，肥既部分入口即溶，加埋蜜汁够晒惹味豉油鸡仲系鸡比上，十分抵食，咬落啖啖都系肉，鸡肉已吸收了豉油，好入味，连皮食仲滋味。金银蛋浸时菜我地拣左白菜，份量都足料，皮蛋，蛋白，大量白菜，浸住系汤好入味，唔怕食菜口淡淡。 士多啤梨猪扒呢个配搭十分新鲜，味道系出奇地夹。士多啤梨汁甜酸度刚好，偏甜令人食唔停，呢个汁配饭都好夹。猪扒非常入味，又有口感，而且份量真系好多。 加埋白饭例汤，三𩠌一汤真系好抵食。