蠔站 (荃新天地)

营业中

休息中

经过荃湾见到有10蚊只生蚝，父亲节个日同爸爸等一行4人去蚝站食，本身谂住生蚝10蚊只唔知咩质素，少少地第一轮叫左1打先，虽然d蚝细细只又唔肥美，但好新鲜好甜，10蚊只超值，由于爸爸好钟意食蚝，第二轮再叫2打，第三轮再叫3打，最后4个人total食左6打。净系食蚝当然唔够饱，另外仲叫左猪手同猪斧头，除左10蚊只生蚝之外，其他食物都几贵，不过味道都好好。猪斧头个味好好，但爸爸就厌佢d肉「鞋」，猪手好正 ，原本爸爸唔想食猪手，试左一旧之后佢都赞不绝口，d皮够哂脆！仲叫左其他鱼生，不过就唔系几好食。上菜速度都好慢，人手又少，我地食完第一盘生蚝，要再等多30分钟，先上第二碟菜。