亞金南洋茶室 (新都城中心二期) (已結業)

超抵食茶餐 味道性价比都很不错～～～星期五咁啱有事去将军澳𠮶边做嘢做完嘢之后 又未到晚餐时间 但系又有啲肚饿 就去咗附近嘅呢一间冰室度食个下午茶e肚 佢哋嘅餐牌选择几多 睇完餐牌之后 我同同事就叫咗槟城炒贵刁 同埋碌冧香茅猪扒 之后再叫咗个越式捞檬 同埋鲜油咖央多士 最后再嚟多个白玉仙草～～～不得不说佢哋个下午茶套餐真系超抵份量几乎同平时嘅晚餐一样 但系 价钱就非常之平～～～槟城炒贵刁炒得唔系好油腻 干身得来又够入味 我同同事都食唔停口 之后就系香茅猪扒 猪扒嘅份量非常之多 好在我同同事都系爱肉嘅人 加上佢个调味又真系做得几到位 所以我哋最后都消灭晒佢～～～而捞檬就做得好轻盈 成个感觉食完好清新 减低左食鸡翼又食猪扒嘅罪恶咁 鸡翼好香脆 中间嘅肉就好嫩 食落有少少牛油香～～～鲜油咖央多士而系高质之作 个多士包味好出 中间大大块牛油 虽然邪恶但系又真系停唔到 ～～～最后就系白玉仙草 所谓嘅白玉其实就系小丸子 软糯口感 非常正 加埋清爽凉粉 食完之后令到成餐嘅油腻感全消 高质～～～推荐度：🔥🔥🔥🔥🔥🔥🔥🔥亚金南洋茶室 (将军澳)将军澳欣景路8号新都城中心二期高层地下UG051H号舖