韓宮 (已結業)

已经有一段时间冇食过韩国嘢，特别挂住酱油蟹同烧肉，今次朋友就拣咗呢间餐厅，一次可以满足晒我两个愿望。我同朋友拣咗个二人烧肉套餐，牛肉比较贵，所以我哋就拣咗猪肉（$399），有两款唔同味道嘅五花腩同埋猪颈肉，再加埋必备嘅泡菜，非常丰富。我自己就比较钟意辣味嘅烤五花腩，食落唔会太辣，腌料非常入味。之后就到我最期待嘅酱油蟹，食一如以往嘅鲜甜，捞饭食，简直系一流。最后我哋仲叫多咗个人参鸡汤暖吓胃，呢度嘅人参鸡汤人参味道又唔算好浓，但胜在新鲜滚热辣。