影片
更多
2025-01-28
535 浏览
2025年1月9日 星期四呢日晏昼约咗亲戚喺筲箕湾一齐食饭，终于有机会尝试呢一间餐厅，成日都会经过但系一直都冇机会入去试下，好彩等咗一阵就有张空枱，迟多少少后面已经排满晒人餐牌都有好多食物可以选择，除咗午市特餐之外，仲可以加$40将主餐牌变成五道𩠌嘅丰盛全餐，包括有沙律杯、汤、芝士蛋糕同饮品，又或者本身叫丰盛全餐都得，真系好抵，$100都唔使就包晒咁多嘢，于是我哋每人叫一个餐再加钱变成丰盛全餐一点完餐等咗一阵餐汤就首先送到，系南瓜忌廉汤，个汤非常浓郁，每一啖都饮到南瓜味，仲食到南瓜蓉添，而且个汤一啲都唔稀，味道啱啱好餐饮我要左热鲜橙茶，嚟到嘅时候真系成壶茶咁上，另外仲放咗两片橙，充满仪式感，可以自由加配茶同橙既比例，味道酸酸甜甜几清新跟住到主菜登场，冇谂过会咁大份，个铁板仲大过我块面，而且里面仲有好多唔同嘅食物屋企人要咗铁板重量级杂扒配德国青胡椒汁，果然系重量级，无论猪扒、鸡扒、甚至乎鸡肉肠都好大条，肉类下面仲铺满咗杂菜同秋葵，酱汁好惹味，同肉质好夹，而且鸡扒同猪扒都好嫩滑，好容易就切得开至于我就要左美国封门牛柳配鲜菇烧汁，由于我要咗五成熟，所以牛柳一切开嘅时候仍然系充满粉嫩嘅颜色，生
呢日晏昼约咗亲戚喺筲箕湾一齐食饭，终于有机会尝试呢一间餐厅，成日都会经过但系一直都冇机会入去试下，好彩等咗一阵就有张空枱，迟多少少后面已经排满晒人
餐牌都有好多食物可以选择，除咗午市特餐之外，仲可以加$40将主餐牌变成五道𩠌嘅丰盛全餐，包括有沙律杯、汤、芝士蛋糕同饮品，又或者本身叫丰盛全餐都得，真系好抵，$100都唔使就包晒咁多嘢，于是我哋每人叫一个餐再加钱变成丰盛全餐
一点完餐等咗一阵餐汤就首先送到，系南瓜忌廉汤，个汤非常浓郁，每一啖都饮到南瓜味，仲食到南瓜蓉添，而且个汤一啲都唔稀，味道啱啱好
餐饮我要左热鲜橙茶，嚟到嘅时候真系成壶茶咁上，另外仲放咗两片橙，充满仪式感，可以自由加配茶同橙既比例，味道酸酸甜甜几清新
跟住到主菜登场，冇谂过会咁大份，个铁板仲大过我块面，而且里面仲有好多唔同嘅食物
屋企人要咗铁板重量级杂扒配德国青胡椒汁，果然系重量级，无论猪扒、鸡扒、甚至乎鸡肉肠都好大条，肉类下面仲铺满咗杂菜同秋葵，酱汁好惹味，同肉质好夹，而且鸡扒同猪扒都好嫩滑，好容易就切得开
至于我就要左美国封门牛柳配鲜菇烧汁，由于我要咗五成熟，所以牛柳一切开嘅时候仍然系充满粉嫩嘅颜色，生熟度啱啱好，肉味好香浓，食到停唔到口，下面仲有大大嚿薯蓉添，吸收晒肉汁同酱汁嘅味道
另外我哋仲要咗慢煮牛面珠炖肉配红糙米饭，个肉真系煮得好腍，唔使用刀切都切得开，而且煮到入晒味，好似食紧和牛咁，完全冇得输
最后仲有甜品西班牙巴斯克焦香芝士蛋糕，口感幼滑之余仲充满芝士香味，加上甜而不腻，食完主菜仍然仲有空间食埋呢个甜品，食完之后真系好满足！！
张贴
