魚川居 (已搬遷) 新店位置

机缘巧合之下，去咗呢间工厂大厦嘅酸菜鱼食晚餐，知道咗呢间酸菜鱼转型做咗任食放题！感觉好似可以食得尽兴啲!拣咗lv2 嘅安格斯牛小排任食！当中仲包一啲海鲜同埋肉类，例如生蚝、鱿鱼、同埋当然有自助火锅吧。佢一定会想晒啲肉先，知道大家都想满足下肉嘅渴求！一上枱就知牛嘅质素唔会太差，而且佢厚度保持得适中，打边炉嘅话20秒左右其实都食得！牛肉虽然话唔系好重牛味，但系绝对系新鲜嘅！猪肉片都唔错，但系一定系牛好味啲㗎啦！另外佢嘅鸡、同埋生蚝都超正！蔬菜亦都非常之新鲜！最令我哋惊喜嘅，但系竟然有冇问题成筒嘅雪糕食！超级有诚意而且高质素！食到好饱都食得落两大球！好少见火锅任食放题嘅蔬菜系咁新鲜，而且最开心嘅系有好味嘅竹笙食！仲要唔系劣质嘅！除咗呢啲之外，呢度嘅环境亦都好宽阔，虽然系工厂区，但系都非常之干净！同埋服务态度都超级友善，经理嘅倾谈之间觉得佢好有亲切感！*另外想特别提一提，店家而家做紧一个外卖自取买一送一大优惠，＄248 就可以选以下2款1.老坛酸菜鱼2.秘制水煮鱼3.奇味鸡煲（一只鸡）4.香辣鸡煲（一只鸡）下次想都试下，真系超抵食。