為食火鍋公司

营业中

休息中

呢度既火锅鸡煲任食套餐分$238同$318两种，其实$238套餐都已经有好够食，有特定既刺身、火锅用既海鲜拼盘、牛小排同甜品，另外无限追加既有鸡煲、鸡煲三宝同几款锅配料。先上既系刺身 : 三色刺身有好大只既赤虾、三文鱼同北寄贝。鸡煲 : 鸡煲配埋三宝 (鱿鱼、猪皮、牛栢叶)都系第一次食，鸡煲香辣惹味，三宝索晒鸡煲既酱汁好好味。鸡煲同三宝都可以无限追加。食完鸡煲到火锅喇，去自助调味区自选火锅调味酱料就可以开始食火锅，汤底系蕃茄薯仔栗米汤，汤底好鲜甜，同屋企煲既味道一样咁好味，用来打边炉好夹，海鲜同肉类都特别鲜甜。火锅既丸类、饺类、西班牙黑豚肉、炸鱼皮同响铃都可以无限追加，菜蓝就可以自助任拎，饮品例如汽水、果汁、茶等都系任饮，真系可以饮饱食醉。