煲師傅砂鍋小菜

营业中

休息中

见网上好多人都推介呢间鸡煲放题，价钱唔贵仲要质素几高，一直都好想嚟食，今日终于有机会！鸡煲有两款味可以拣，有三重芝士同埋麻辣奇味，我哋就拣咗麻辣奇味，鸡煲份量好多，同平时出边食开嘅鸡煲唔同，件件鸡肉都系鸡髀肉，啖啖肉仲要超级嫩滑，麻辣只系微微辣，麻中带香，唔太食得辣嘅都唔使担心，本身仲谂住食多一个鸡煲，因为真系好好食，但系个份量有啲多，所以我哋都系留返个肚食火锅！火锅有正宗麻辣、芫荽皮蛋、蕃茄薯仔汤底，我哋拣咗正宗麻辣汤底（中辣）。啱啱开头食中辣都唔觉得好辣，但之后越食啲辣就越出，阵麻味都唔会冚咗辣嘅香味，系唔错嘅汤底！配菜都有好多选择，最正一定系特选美国肥牛同埋特选羊肉片，牛肉非常新鲜，鲜红色嘅牛肉，入口嫩滑，配埋麻辣汤底一流！羊肉片都好新鲜，一啲都唔骚，忍唔住嗌咗几碟！另外嘢饮都系任饮，有包装柠檬茶、菊花茶、苹果绿茶等等，仲有竹蔗茅根就算食麻辣都可以清热。最正嘅一定系每人一杯Häagen-Dazs雪糕作为甜品。讲真二百几蚊，可以食到高质鸡煲同埋火锅放题仲有Häagen-Dazs雪糕，仲要质素唔错，真系几抵食，性价比超高！