影片
更多
2021-01-29
248 浏览
早排去左铜锣湾食嘢，见到礼信大厦开左间韩式餐厅，装修都几别致就入左去食野。Order左个牛肉拌饭+泡菜 四五十蚊种包一包纸包饮品个饭一上枱就见到超大兜，种要有只好QQ兔仔形状嘅荷包蛋，见到就好开胃(每次荷包蛋形状都唔同架)听个名以为牛肉拌饭实觉得好多酱啲牛肉会好肥腻先会够入味好食，但系呢个拌饭掉番转。成个饭好五颜六色，因为配菜份量好多超健康，啲牛肉系老板娘用铁板烧炒，而且一啲都唔肥唔油但又好入味，食落啖啖肉好好咬！另外个配饭甜辣酱都系老板娘自家制，甜度唔会好高可以中和到个辣味但系又唔会遮晒辣味，加埋荷包蛋一齐捞饭，一流～额外加左$5泡菜，估佢唔到泡菜份量劲多，捞埋落个饭到，成个味道酸酸甜甜超入口！唔好睇以为正系啲配菜多，其实下面啲饭量种多，我自认自己好大食，但系食晒成个都饱到一流，足足饱足6个钟头行埋山都未会饿，真心超抵食！老板娘话种可以嗌多饭，如果嗌多饭真系可以参加大胃王比赛😂 男仔食一定够饱，女仔就记得要少饭，唔好浪费食物～店铺细细得几张吧台，枱面有好多好可爱嘅公仔，有好多猫猫猪猪摆设，边食边望住好舒压。其实佢唔止韩式食物，下午茶时间种有法包贝果，件件好份量好大。见到其他人食炸鸡睇
Order左个牛肉拌饭+泡菜 四五十蚊种包一包纸包饮品
个饭一上枱就见到超大兜，种要有只好QQ兔仔形状嘅荷包蛋，见到就好开胃(每次荷包蛋形状都唔同架)
听个名以为牛肉拌饭实觉得好多酱啲牛肉会好肥腻先会够入味好食，但系呢个拌饭掉番转。
成个饭好五颜六色，因为配菜份量好多超健康，啲牛肉系老板娘用铁板烧炒，而且一啲都唔肥唔油但又好入味，食落啖啖肉好好咬！
另外个配饭甜辣酱都系老板娘自家制，甜度唔会好高可以中和到个辣味但系又唔会遮晒辣味，加埋荷包蛋一齐捞饭，一流～
额外加左$5泡菜，估佢唔到泡菜份量劲多，捞埋落个饭到，成个味道酸酸甜甜超入口！
唔好睇以为正系啲配菜多，其实下面啲饭量种多，我自认自己好大食，但系食晒成个都饱到一流，足足饱足6个钟头行埋山都未会饿，真心超抵食！
老板娘话种可以嗌多饭，如果嗌多饭真系可以参加大胃王比赛😂 男仔食一定够饱，女仔就记得要少饭，唔好浪费食物～
店铺细细得几张吧台，枱面有好多好可爱嘅公仔，有好多猫猫猪猪摆设，边食边望住好舒压。
其实佢唔止韩式食物，下午茶时间种有法包贝果，件件好份量好大。
见到其他人食炸鸡睇落好正，啲芝士种有拉丝效果近期见出左新嘢「辣炒年糕」，等我下次去试下先，种画左幅好靓嘅打卡墙，下次一定要影相打卡
张贴
