Day and Nite by Master Kama (已結業)

一个月一度嘅朋友聚会，当然要揾啲特别嘢食一下。今次朋友就推介咗喺闹市入面嘅龙虾店🦞🦞其实总括嚟讲菜式唔算太多选择，但最吸引到我哋嘅就系佢嘅龙虾汇。龙虾汇入面有龙虾包、烤蒜蓉牛油龙虾、薯条，同埋沙律。当然仲有唔同嘅酱汁点。但系大食嘅我哋对于单单一个龙虾汇又点会够食。之后我哋再嗌咗个龙虾芝士Mac N Cheese（Risotto），仲有Nachos。个Risotto其实都几好食，但龙虾钳其实都几难开。讲返龙虾汇，佢嘅烤蒜蓉牛油龙虾同龙虾包真系好好味，尤其是龙虾包，juicy得嚟又唔会话好重味精，包又好松软，完全索哂啲龙虾汁。结果我哋仲嗌多咗两个龙虾包添（当日买一送一）！总结嚟讲，可能系见识少，香港的确无咩地方可以有咁多款龙虾菜式选择，而且价钱亦唔系贵，如果唔大食每人$200绝对落到楼。咁嘅质素的确少见。唯一挑剔系有个别菜式龙虾份量其实唔多，如果系大食积记得叫龙虾包，一嚟方面唔驶剥壳，二嚟大件夹抵食🦞🍞P.S. 平日夜晚有可能要订位，因为舗位唔算大，有机会要排队味道 ⭐️⭐️⭐️⭐️服务 ⭐️⭐️⭐️⭐️环境 ⭐️⭐️⭐️⭐️性价比 ⭐️⭐️⭐️